BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA participará na manifestaçom nacional convocada por Nunca Mais

imagem

Especial Se arde Galiza. Lume contra os responsáveis

Agosto de 2006

BRIGA quer fazer pública a sua assistência à manifestaçom convocada por NUNCA MAIS para o vindouro Domingo dia 20 de Agosto, e que partirá às 12 h da Alameda de Compostela.

BRIGA fará parte do bloco crítico junto as diversas organizaçons que conformam a Plataforma contra os incêndios florestais e que estám a assinalar a parte de responsabilidade que o bipartido do PSOE e BNG se ganhou com a sua incapacidade manifesta de controlar, e sobre todo de prever, a vaga de lumes que arrassou miles de hectáreas de monte galego em apenas duas semanas.

A ressucitaçom da Plataforma NUNCA MAIS nom deixa de ser umha tentativa de controlo da indignaçom e raiva popular como já ocorrera durante a crise aberta do Prestige, um organismo copado na sua direcçom polas organizaçons autonomistas e que demonstrou o seu carácter fechado à dissidência, evitando a participaçom de vozes críticas com o autonomismo no seu seio.

O BNG quer converter esta manifestaçom num desfile inócuo de consignas descafeinadas, que evite qualquer crítica à Junta, num epítome do seu “galeguismo cívico”, que nom deu umha só soluçom durante um ano de governo no que se refere a política florestal, agrária e ordenaçom territorial do cámpo galego; mantendo as mesmas políticas continuístas do fraguismo.

É objectivo da organizaçom denunciar nas ruas de Compostela as causas reais dos incêndios, sem caermos em acussaçons ambiguas nem em partidismos que se anteponham aos interesses meioambientais e ecológicos da Galiza. É hora de denunciar que trás o governo do cámbio, trás a revoluçom tranqüila, todo segue na mesma.