BRIGA participará no Dia da Galiza Combatente

Setembro de 2006

Respostando afirmativamente ao convite realizado por NÓS-Unidade Popular, BRIGA participará nos actos programados pola organizaçom política com o galho do VI Dia da Galiza Combatente que nesta ocassom decorrerá o 7 de Outubro no Alto do Furriolo, em Celanova. Concretamente interviremos no acto político convocado sob a legenda “Homenágem à vítimas do Holocausto Galego. 1936-2006 A luita continua” e no que participarám representanes doutros colectivos sociais implicados na recuperaçom da memória histórica da Galiza, tais Comissom da Memória do 36 em Vigo, Associaçom Cultural Arraianos e o Comité Galego Bolivariano.

Com esta homenagem às vítimas da repressom fascista dessatada na Galiza após o alzamento de 1936, NÓS-Unidade Popular dá continuidade a intensa actividade desenvolvida durante estes meses e que lográrom rachar com a “evocaçom nostálgica, sintimental e historicista” com a que as instituiçons autonómicas tratarom de envolver o Ano da Memória, ligando os quarenta anos do régime totalitário com o régime monárquico desenhado polo ditador.

É este precisamente o principal propósito desta homenagem nacional e a principal razom da presença de BRIGA neste recordatório que os combatentes da Galiza do século XXI fazemos ao “melhor da Galiza que estava a ser construída pola classe trabalhadora e o movimento popular na década de 30”.

A seguir achegamos o programa deste VI Dia da Galiza Combatente convocado por NÓS-Unidade Popular,

HOMENAGEM NACIONAL ÀS VÍTIMAS DO HOLOCAUSTO GALEGO

Sábado dia 7 de Outubro
Programa previsto:
13h00 Concentraçom no alto do Furriolo, a poucos quilómetros de Cela Nova, onde fôrom fusiladas dúzias de presas e presos procedentes do campo de concentraçom do mosteiro de Sam Rosendo de Cela Nova.

Intervençom de:
- Carlos Morais, membro da Direcçom Nacional de NÓS-Unidade Popular
- Diego Bernal, BRIGA
- Conchita Nogueira, Comissom da Memória do 36 em Vigo
- Representante da Associaçom Cultural Arraianos
- Lois Pérez Leira , Comité Galego Bolivariano

Oferta floral no monumento às vítimas do franquismo

Recital poético com Igor Lugris, Cruz Martínez, Rosanegra e Ramiro Vidal Alvarinho

Canto da Internacional e do Hino Nacional

Posteriormente terá lugar um jantar de confraternidade num restaurante próximo.

Saídas dos autocarros:

FERROL-CORUNHA-COMPOSTELA- ALTO DO FURRIOLO
Ferrol às 9h00 da paragem das Pias
Corunha às 10h00 de Sam Pedro de Mezouço
Compostela às 11h00 da Estaçom de Autocarros

PONTE VEDRA – VIGO – PONTE AREAS – ALTO DO FURRIOLO
Ponte Vedra às 10h00 diante do Concelho
Vigo às 11h00 na Praça dos cavalos (Praça de Espanha)
Ponte Areas às 11h30 na Baiuca Vermelha

As pessoas interessadas podem adquirir o bono na Fundaçom Artábria (Ferrol), CS Henriqueta Outeiro (Compotela), CS Revira (Ponte Vedra), LS Baiuca Vermelha (Ponte Areas) ou no Local dos argentinos no exterior (Doutor carracido nº 27, Vigo)