Erguemos a bandeira do combate juvenil
Outubro de 2006
O Sábado 28 de Outubro tivo lugar na Corunha o II Congresso Nacional de BRIGA que se realizou sob a legenda Erguemos a bandeira do combate juvenil.
Durante a manhá debateu-se o Informe de Gestom elaborado pola Mesa Nacional sainte, no que de forma pormenorizada se analisárom os principais erros cometidos durante os dous anos que transcorrêrom desde o Congresso Nacional Constituinte assim como os importantes sucessos obtidos.
Após a aprovaçom do Informe de Gestom, procedeu-se ao debate da Tese Política, que sob o epígrafe A política juvenil da Junta, crónica do continuísmo e a insuficiência, analisa os programas eleitorais e fai balanço das intervençons do governo PSOE-BNG nas matérias relacionadas com @s jovens, tais como a vivenda, as drogas, a sexualidade ou a situaçom laboral. Esta Tese, que também reconhece avanços a respeito dos 16 anos de fraguismo, é crítica com a intervençom da Junta em relaçom com a juventude, que em geral nom passou da aprovaçom de medidas de carácter propagandístico que nom pretendem solucionar os problemas de fundo que sofremos.
A segunda parte da Tese Política, intitulada Juventude e repressom, está dedicada a analisar a intensificaçom repressiva contra a mocidade, que se concretiza numha intensa campanha de intoxicaçom e criminalizaçom lançada desde os meios de comunicaçom do sistema e que serve de álibi para a diminuiçom dos poucos direitos que ainda ficam. O documento enquadra nesta nova vaga repressiva, os planos de vigiláncia dos centros de ensino, a campanha contra o botelhom e as operaçons policiais contra as organizaçons juvenis da esquerda independentista.
Além do mais da Tese Política, o Plenário do Congresso Nacional aprovou umha série de modificaçons estatutárias que por umha banda servem para desenvolver a Tese Organizativa aprovada há dous anos em Ferrol e por outro exprimem a evoluçom da organizaçom desde Outubro de 2004. Entre estas últimas modificaçons destaca a definiçom de BRIGA como “organizçom social juvenil marxista da esquerda independentista galega”.
Após a eleiçom da nova Mesa Nacional procedeu-se ao debate das resoluçons desligadas do debate das Teses. Aprovárom-se resoluçons de solidariedade com a Juventude Comunista Checa recentemente ilegalizada, com os cinco heróis cubanos encarcerados nos Estados Unidos, de apoio a Siareir@s Galeg@s e à luita polas selecçons nacionais e umha última em homenagem aos combatentes contra o fascismo espanhol.
Já a última hora da tarde tivo decorreu o acto de encerramento, no que após projectar um filme sobre estes dous anos de intensa actividade, umha companheira interveiu em nome da nova Mesa Nacional e se cantárom os hinos da organizaçom.
