Corporación Dermoestética também é violência machista

Novembro de 2006

Na tarde do 24 de Novembro, na véspera do Dia Internacional contra a Violência machista, várias jovens levarom a cabo umha acçom de denúncia na clínica que Corporación Dermoestética tem numha céntrica rua de Compostela.

As jovens desplegarom umha faixa com a palavra de ordem Isto também é violência machista. Rompe com o machismo mentras enchiam de pintura lilá o escaparate do centro de estética denunciando assim mais umha das facetas da dominaçom patriarcal, neste caso da relacionada com os cánones físicos que as mulheres devemos alcançar para triunfar socialmente. E é que empresas como Corporación Dermoestética lucram-se difundindo um patrom de beleza, inalcançável para muitas mulheres, aportando à vez pseudo-soluçons a base de sala de cirurgia e risco de morte.

Com esta acçom de BRIGA denunciamos que a violência machista vai além das agressons físicas no ámbito da parelha e manifesta-se de diversas formas normalizadas dependendo de quais forem as características das mulheres sobre as quais exerce a sua força. O ensino, a educaçom, as condiçons laborais, e sobretodo os estereótipos físicos e psicológicos que nos marca a própria sociedade como condiçom imprescindível para atingirmos objectivos sociais, som os elementos que desde sempre utilizou o capitalismo como meio de opressom e dominaçom das mulheres novas.