Vice-presidência da Junta da Galiza promociona o Exército espanhol

Novembro de 2006

A Rede Galega de Informaçom e Documentaçom Juvenil (RIX), organismo dependente da Vice-presidência da Junta da Galiza, continua, igual que quando governava o Partido Popular, realizando proselitismo do Exército espanhol. Assim a RIX, rede supostamente adicada à publicitaçom de bolsas, cursos ou informaçom de interese para @s jovens, mantém desde há anos ligaçons desde o seu web com a página soldados.com.

Esta página, colocada em destaque no web da RIX, é o portal de reclutamento do Exército espanhol e à vez parte da campanha de lavado de cara das chamadas Fuerzas Armadas. Desde este web, além de informar sobre o reclutamento, o Exército apresenta-se a si mesmo como umha espécie de ONG ou organizaçom humanitária, ocultando que a sua participaçom na ocupaçom e expólio de Afeganistám ou Haiti ou a sua intervençom no alzamento fascista do 36.

Mas nom só. A colaboraçom da Vice-presidência e a Direcçom Geral de Juventude com o Exército espanhol transcende com muito à rede. Assim em qualquer nos estantes dos centros RIX, distribuidos por toda a geografia galega, @s jovens podemos atopar propaganda das Fuerzas Armadas suministrada pola própria Junta ada Galiza, que deve considerar a participaçom em ocupaçons imperialistas como umha saida laboral tam digna como qualquer outra.

Após mais dum ano desde que Manuel Fraga fora deslocado da Junta de Galiza polo auto-denominado “governo de progresso” de PSOE e BNG é constatável o que muit@s denunciavamos na altura: que o bipartido nom tem nem intençom nem capacidade para achegar medidas de fundo para rematar com à miséria estrutural à que estamos condenad@s @s jovens galeg@s.

De BRIGA solicitamos a imediata retirada de qualquer alussom ao Exército espanhol do web da RIX e a retirada de toda a propaganda do militarismo espanhol dos pontos de informaçom que esta rede tem em cada Concelho galego.