Siareir@s Galeg@s contesta manipulaçom mediática e repressom policial

Janeiro de 2007

BRIGA quer somar-se à condena da intervençom policial contra a mobilizaçom pola oficialidade das selecçons nacionais, que decorreu o passado 28 de Dezembro na Corunha, e denunciar a burda manipulaçom mediática da que foi objecto Siareir@s Galeg@s nos seguintes ao jogo da Galiza.

A seguir reproducimos o comunicado feito público por Siareir@s Galeg@s que contesta as declaraçons e a informaçom feita pública por diversos médios de comunicaçom arredor do acontecido durante a manifestaçom nacional do 28 de Dezembro:

Ante os acontecimentos provocados pola actuaçom policial no transcurso da manifestaçom nacional o passado 28 de Dezembro na Corunha, Siareir@s Galeg@s quer manifestar,

1.- Siareir@s Galeg@s é um colectivo com mais dumha década de história, que tem mantido acesso o facho da luita pola criaçom das selecçons galegas, e nos últimos meses tem acompanhado as diferentes estreias das equipas que se puxerom em andamento à vez que reclamamos o seu reconhecimento oficial.

2.- Siareir@s Galeg@s tem recebido o apoio das principias claques galegas, de desportistas e diversas organizaçons e colectivos sociais comprometidos com as nossas reivindicaçons. Actualmente contamos com perto de 3000 sóci@s e com várias Assembleias comarcais repartidas por todo o País.

É por isto que resultam ridículas e tendenciosas todas as informaçons aparescidas nos últimos dias nos que os médios de comunicaçom tentar identificar a Siareir@s Galeg@s com "grupúsculos", "vándalos" ou "salvaxes".

3.- A intençom de Siareir@s Galeg@s foi o de convocar umha manifestaçom para reclamar o reconhecimento oficial das nossas selecçons nacionais igual que fixeramos fai um ano em Compostela coincidindo com o Galiza-Uruguai, sem que daquela se producira qualquer "altercado". A única diferencia do ano passado a respeito da manifestaçom do 29 de Dezembro na Corunha foi umha desproporcionada presença policial disposta a aproveitar qualquer pretexto para cargar contra a manifestaçom.

4.- Siareir@s Galeg@s condena a violenta intervençom da Polícia espanhola que finalmente, e como acostuma a passar sempre, provocou mais danos dos que em teoria pretendia evitar, além de deixar vári@s contusionad@s entre @s manifestantes e as pessoas que nesses momento passavam polo Paseio Marítimo. As pessoas que lá estavam puiderom ser testemunhas dumha violenta carga na que a polícia nom duvidou em disparar pelotas de goma, espancar ou golpear com os furgons a quem se lhe puxera por diante.

5.- Siareir@s Galeg@s continuará com a sua actividade em defesa dos direitos nacionais da galiza no terreno desportivo. Apesar das ameaças policias ou intoxicaçons mediáticas seguiremos a apoiar os jogos das selecçons galegas e a organizar actividades para lograr o seu reconhecimento oficial, porque Galiza é algo mais do que um jogo.