BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Processam por um acto antimilitarista a três jovens e solicitam 2190 € e um ano de prisom

imagem

Especial Nom mais julgamentos a antimilitaristas

Fevereiro de 2007

De novo três jovens terám que enfrentar-se a (in)justiça espanhola, desta volta acussad@s de participar num acto antimilitarista que decorreu em Ponte Vedra 6 de Junho do passado ano. @s jovens vam a ser processad@s por dous delitos, concretamente um de “ameaças e injurias ao Exército” polo que a fiscalia solicita umha multa de 2190 € a cada um/a e um outro de “maltrato às Forças Armadas”(?) que equivalem a um ano de prisom.

O acto consistiu numha acçom de protesto contra a presença dum posto de publicidade militar colocado na Alameda de Ponte Vedra, com o galho dos actos comemorativos do anivesário da criaçom da BRILAT. No protesto participarom umha dúzia de jovens que desplegarom umha faixa com a legenda “Exército espanhol fora da Galiza”, desgarrada violentamente polos militares lá presentes que golpearom e insultarom às e aos concentrad@s.

Ainda que no acto nom estivo presente nengum meio de comunicaçom que puidera tirar imagens e nom houvo nengumha identificaçom, a Polícia espanhola nom duvidou em assinalar à companheira e aos dous companheiros processad@s como responsáveis do acto, sem mais provas que uns ficheiros policiais que @s identificam como militantes de BRIGA e polo tanto culpáveis de “exibir a faixa, insultar, forcegear, zarandear aos soldados (?) e lançar um bote de pintura contra a tenda militar”

Nengum julgamento, nem a permanente criminalizaçom e acosso policial a que nos vemos submetid@s, impedirám que BRIGA continue a transladar à rua a rebeliom juvenil e a denúncia do carácter profundamente antidemocrático do Estado espanhol, que castiga qualquer opçom política ou movimento social incómodo ou que qüestione a actual ordem de cousas.