Convocadas mobilizaçons anti-imperialistas
Março de 2007
Respondendo a convocatória realizada no marco do Foro Social Mundial e no aniversário da intervençom imperialista contra o Iraque há programadas duas mobilizaçons de carácter local na Corunha e Ponte Vedra.
Na Corunha é a Coordenadora Internacionalista a que convoca umha concentraçom com a legenda "Pola retirada das tropas do Iraque, Afeganistám e Líbano". A mobilizaçom promovida por esta plataforma na que está integrada BRIGA será a quinta-feira 15 de Março às 20h30 no Obelisco.
Pola sua parte em Ponte Vedra a Coordenadora de Ponte Vedra contra a Guerra, que agrupa diversas entidades da cidade, convoca umha concentraçom na Praça da Peregrina o Sábado dia 17 às 19h30 com a palavra de ordem "Nom som cooperante, som ocupantes".
De BRIGA chamamos à juventude trabalhadora a assistir a estas duas mobilizaçons anti-imperialista para dar monstra da solidariedade do povo galego com os povos em luita pola sua liberdade.
A seguir reproducimos o manifesto feito público pola Coordenadora Internacionalista da Corunha no marco desta convocatória pola retirada fim da ocupaçom imperialista do Iraque, Afeganistám e Líbano:
Pola retirada das tropas do Iraque Afeganistám e Líbano
No marco da convocatória do Foro Social Mundial de umha mobilizaçom internacional contra a guerra e a ocupaçom do Iraque, para o vindouro 17 de Março, aniversário do começo da guerra, a Coordenadora Antiimperialista da Corunha manifesta:
As ocupaçons do Iraque, Afeganistám e Líbano respondem à necessidade do imperialismo de recolonizar territórios vitais para a sua economia, por serem grandes produtores de materias primas e possuidores de espaços geoestratégicos que fam possível o controlo e exploraçom das mesmas; ao tempo que utiliza todos os mecanismos ao seu alcanço, para intimidar, neutralizar e eliminar a todos quantos se opugerem aos seus interesses: esta é a lógica da “guerra contra o terrorismo”, em realidade, “guerra contra os povos”.
A imposiçom dessa lógica no planeta é a que gera a guerra do Iraque, o apoio constante ao estado terrorista de Israel, a intervençom no Afeganistám, as constantes ameaças contra Cuba, Venezuela e o Irám, a guerra silenciada no Congo, que tem produzido nos últimos anos mais de quatro milhons de mortos e centenas de milheiros/as de deslocados, o incesante genocídio palestiniano, a destruiçom do Líbano, etc.
O Estado espanhol tem-se convertido num aliado fiel desta estratégia, como se o actual governo se tentasse conciliar com os EEUU logo da evacuaçom das tropas do Iraque, fruto da tremenda pressom popular contra a guerra neste lugar.
Mas esta retirada nom veu acompanhada polo fim das aventuras militares, muito polo contrário, estas reforçárom-se enviando tropas ao Líbano, para defender o seu aliado Israel pola derrota que sofrera no verao, e mantendo-as no Afeganistám para, dim, garantir a democracia, mas na verdade deixando as maos livres aos ianques para manter a ocupaçom do Iraque, além do mais de defender os “interesses” espanhóis.
Se o Iraque ocupado retrocedeu no seu desenvolvimento, no Afeganistám nom há democracia e as mulheres continuam a levar o “burka”, a produçom de apoio aumentou, segundo todos os observadores internacionais e notícias de imprensa, num 30% desde que o país está ocupado, e os senhores da guerra controlam cada um, como o venhem fazendo desde há anos, o “seu” território.
Por todo isto convocamos a populaçom a concentrar-se o 15 de Março, às 20:30 h no Obelisco, para exigir com o resto dos povos do mundo o fim da ocupaçom do Iraque.
Contra a ocupaçom
Retirada imediata do Iraque, Afeganistám e Líbano
Cartaz da concentraçom em Ponte Vedra