Escola de Formaçom´07. A luita é o único caminho

Março de 2007

Como cada ano desde o 2004 o primeiro fim de semana das Férias de Primavera, desta volta os dias 30 e 31 de Março e 1 de Abril, acolhem mais umha ediçom da Escola de Formaçom.

Os seminários desta IV Escola de Formaçom, convocada com a legenda "A luita é o único caminho", adicará-se à reflexom das luitas populares organizadas que como cada ano combinaram-se com o convívio, jogos populares ou repichocas.

Especial Escola de Formaçom´05
Especial Escola de Formaçom´06

Escola de Formaçom´07. A luita é o único caminho

As organizaçons juvenil e estudantil do MLNG, AGIR e BRIGA, organizam novamente as jornadas de formaçom e convívio nas quais pode tomar parte toda a juventude interessada em gozar desta experiência rebelde e autogestionada.

O futuro do independentismo socialista, ou o que é o mesmo, a Galiza libertada que construímos todos os dias @s jovens organizad@s deste País, vai obter um novo pulo à frente. Aproveitando o começo das férias de Primavera, os dias 30 e 31 de Março e 1 de Abril, dezenas de jovens assaltaremos um novo ponto da nossa geografia para combinarmos a formaçom e a reflexom com noites de concertos e festa, roteiros e jogos populares numha nova ediçom desta peculiar Escola.

A nossa intençom, nesta quarta ediçom da Escola iniciada por AGIR em 2004, é proporcionar três dias de intensa actividade e confraternizaçom para afortalar os laços que unem a juventude rebelde da Galiza. Mas nom só. A especial dedicaçom que cada ano realizamos a umha temática, permitirá-nos desta volta debruçar-nos sobre as luitas dos sectores populares comprometidos com a transformaçom social. Assim é que este ano homenageamos a história da Galiza e da sua classe trabalhadora, fraguada em séculos de combate encetado por diferentes vieiros.

Se para nós cada dia é umha oportunidade de projecçom política, estes três ham ser, sem dúvida, o momento de conhecer-nos e reconhecer-nos como sujeitos necessários dessa luita quotidiana da qual fazemos parte. Saber por que permanecemos em pé de luita no dia-a-dia pode encontrar umha resposta doada num encontro como este.

Cervo, Salvaterra de Minho, Narom e, agora, umha nova localidade da Galiza. Mais um ponto do nosso território que ficará conservado na nossa memória colectiva. Será para o bem do nosso projecto.

As entidades organizadoras volvem a ponher a disposiçom de qualquer pessoa interessadas em participar nesta nova ediçom da Escola de Formaçom pode ligar aos telefones 630 624 999 ou 677223610 ou mandar um correio a nacional@agir-galiza.org ou nacional@briga-galiza.org.

Sexta-feira 31 de Março
20h00 Chegada
- Instalaçom
- Entrega dos materiais da EF´07
20h30 Actos de bem-vindas
- Bem-vindas da Responsável Comarcal de NÓS-Unidade Popular
- Projecçom sobre a EF´06 celebrada em Trasancos
- Intervençom dum/ha representante de AGIR
21h00 Ceia
22h00 Repichoca

Sábado 31 de Março
9h00 Almorço
10h00 Seminário "Aproximaçom à história do movimento operário na Galiza" por André Seoane
12h00 Seminário “Um olhar sobre a luita estudantil na Galiza” por Daniel Lourenço
14h00 Jantar
15h30 Seminário “Razons para luitar no S. XXI” por Carlos Morais
17h30 Seminário "Chaves para a intervençom feminista da juventude independentista"
19h00 Jogos Populares
22h00 Ceia

Domingo 1 de Abril
9h30 Almorço
11h00 Roteiro
14h00 Jantar
17h00 Acto de encerramento
- Intervençom dum/ha representante de BRIGA
17h30 Despedida