Siareir@s posiciona-se sobre temas da actualidade desportiva

Abril de 2007

Siareir@s Galeg@s exprimiu recentemente o seu posicionamento a respeito da suspensom cautelar que afecta a umha parte da Directiva da Federaçom Galega de Futebol e da proposta do Governo autonómico catalám para a criaçom dumhas Olimpiadas de Naçons sem Estado.

Siareir@s valorou através dum comunicado de forma positiva a suspensom cautelar ordenada pola Direcçom Geral para o Desporto da Junta de Galiza de quatro Directivos da Federaçom Galega de Futebol, com o seu Presidente à cabeza. Segundo SSGG, Júlio Meana, "nom só foi baluarte da doutrina do Partido Popular para impedir a convocatória da selecçom galega, senom que foi o principal ariete dos sucessivos governos de Fraga contra Siareir@s Galeg@s".

O colectivo fai um chamamento para que estas acusaçons "que parecem suficientemente provados pola documentaçom aprovada pola Junta da Galiza" servam à Direcçom Geral para o Desporto para afrontar com valentia o caminho cara a plena oficialidade das nossas selecçons desportivas.

Sobre o outro assunto, a proposta de organizaçom dumha Olimpiadas para as naçons sem Estado, Siareir@s Galeg@s manifestou-se favorável, em quanto pode ser um passo adiante para vissibilizar o conflito desportivo que sofrem as equipas galegas.