Crónica do concerto de Mencer Vermelho e Núcleo Terco

Fevereiro de 2005

A sala cheia de jovens, bandeiras da pátria e do proletariado, várias faixas reivindicativas penduradas polas paredes e dous grupos totalmente entregados. Assim discorreu o concerto organizado por BRIGA o passado sábado 19 de Fevereiro na sala Caimám da Corunha.

Este concerto que é o primeiro organizado pola nossa organizaçom pretende ser o começo de umha série de iniciativas que procurem a promoçom de grupos e artistas galegos oferecendo, aliás, à mocidade trabalhadora umha cultura de ócio alternativa à imposta pola burguesia espanhola.

Só criando redes de lazer populares cujas bandeiras sejam a promoçom da autoorganizaçom, dos valores da esquerda e da nossa língua e culturas nacionais contribuiremos à necessária construçom nacional.

Encorajamos ao conjunto da juventude trabalhadora galega a apoiar actos coma este e a levar ao cabo iniciativas emancipadoras que mostrem a sua rebeldia contra o desalentador presente. Reivindicando o nosso Direito à rebeliom!