Jovens boicotam concentraçom de España y Libertad em Ponte Vedra

Maio de 2007

A plataforma de carácter fascista "España y Libertad" (na qual entre outras organizaçons do espanholismo fascista destacam o Foro da Guardia Civil, Foro de Ermua e Peones Negros) convocou para ontem dia 22 de Maio na Praça da Liberdade um acto contra a “permisividade” do Governo espanhol, que permitiu que algumhas das listagens eleitorais da esquerda abertzale puidessem representar a vontade de grande parte da populaçom de Euskal Herria.

Enquanto os vinteassistentes ao acto fascista desplegavam umha faixa, mais de meia dúzia de jovens ocupárom a mesma praça com cartazes onde se podiam ler diversas legendas como Espanholismo=Fascismo, Fascismo fora da Galiza, e Fascismo nunca mais. Durante todo o decorrer da concentraçom, @s jovens berrárom consignas como Quem queira, quem nom, Galiza é umha naçom, Independência, Galiza será a tumba do fascismo, Vós, fascistas, sodes os terroristas, etc. Ao finalizar, durante o canto do hino espanhol, os concentrados recebêrom umha chuva de ovos.

Com esta acçom rompe-se com a normalidade que envolve um acto profundamente grave, que os herdeiros do fascismo golpista do 36, os actuais círculos mobilizadores da direita espanhola, se manifestem impunemente nas cidades da Galiza. Ao mesmo tempo, demonstra-se com factos que o masticado passotismo juvenil nom é tal, já que fôrom jovens quem lhe plantárom cara ao espanholismo desta volta.

De BRIGA chamamos a extender e alargar no futuro estas convocatórias anti-fascistas, para constestar na rua e com contundência a esta perigosa ofensiva dirigida polo Partido Popular.

A luita é o único caminho!
Fascismo nom passará!