Sons Jovens´07: música em galego e sem subsídios
Maio de 2007
A sexta-feira 19 de Maio, decorreu na Praça do 8 de Março o Sons Jovens´07, que ofertava por segundo ano consecutivo um espaço alternativo à programaçom cultural desenhada polo Concelho com o galho das Festas da cidade.
O punk-rock de O Cícharo Psicótico abriu o Sons Jovens e, aos poucos, figerom olvidar a gente que se achegava ao concerto o frio e a ameaça constante de chuva. Após a actuaçom do Chícharo era a turma de Diskórdia que, durante perto dumha hora, versonearom vários clássicos do rock e oferecerom cançons do seu próprio repertório. Para encerrar o concerto, e a demostraçom do potencial musical das bandas da comarca, subirom o cenário os Ataque Escampe, que puxerom o ponto final a esta segunda ediçom do Sons Jovens.
Nesta ocassom, a proximidade das eleiçons municipais permitiu ao Grupo de Base de BRIGA em Compostela organizar sem grandes impedimentos o concerto, para o que nom recebeu nengum tipo de ajuda institucional, mas tampouco sofreu os atrancos administrativos para a concessom do permisso para a utilizaçom da Praça.
Mas o que a maquilhagem eleitoral nom puido ocultar foi o continuismo dumha programaçom cultural anti-popular, espanholizadora, nom participativa e mercantilista. Mais umha vez o governo municipal do PSOE e BNG, que neste terreno e em muitos outros som perfeitamente homologáveis ao Partido Popular, inistem em constroir umha festas em base a contrataçom das “estrelas” televissivas do momento e da programaçom da música enlatada dos 40 e Operación Triunfo, na que o galego fica restringido à música e o baile tradicional e na que a auto-organizaçom popular é nula.
De pouco valem os avances conseguidos com a posta em funcionamento de locais de ensaio ou a organizaçom de um circuito para a música feita na comarca, se quando chegam as Festas o Concelho continua apostando por esbanjar o dinheiro público nos Bustamante e Bisbal do momento, em vez de brindar oportunidades às bandas de jovens que fam música em Compostela.
Pola nossa parte, e com os nossos modestos meios, continuaremos apostando pola música galega.
* Boleto ganhador nº 850 (Telf. 659306973)