Na rua o primeiro número do vozeiro de BRIGA em Compostela

Junho de 2007

Se no mês de Maio dávamos conta da publicaçom do primeiro número do Pedra Vermelha, folha de agitaçom de BRIGA em Compostela, com o objectivo de reproduzir os principais posicionamentos do Grupo de Base, hoje informamos da ediçom doutra publicaçom deste Grupo de Base, desta vez o seu vozeiro, o AZOAR.

Neste primeiro número, além dumha editorial sobre os objectivos desta nova publicaçom, há artigos sobre o 1º de Maio, sobre a segunda ediçom do Sons Jovens em Compostela, que decorreu o passado mês de Maio na Praça 8 de Março, e sobre o trabalho desenvolvido pola Plataforma contra a criminalizaçom da Juventude contra a Ordenança Municipal de Resíduos e Limpeza Viária. Além do mais, o AZOAR conta com umha secçom de novas breves.

A seguir, e a espera de ter operativa umha secçom adicada as publicaçons dos Grupos de Base na nossa página, reproduzimos a editorial deste primeiro número do AZOAR.

Azoar (de a + zoar). v. 1. Dar azos, força, ánimo, alento. 2. Irritar insitentemente.

Qualquer das duas definiçons que recolhem a maioria dos dicionários de galego-português dam boa conta do que é o Azoar , vozeiro que desde já está em maos de centos de jovens da Comarca.

Na FINSA, em TELEVÉS , em qualquer tenda de INDITEX ou empresa do Polígono do Tambre, na hotelaria, na rua do Franco ou em qualquer outro lugar de Compostela onde @s jovens sejamos explorad@s ..... lá é que vai dirigido o Azoar. De seguro também este vozeiro vai irritar insitentemente a mais de um patrom e a mais de um “politiquinho” do PP e do PSOE-BNG acomodado no seu gabinete da Cámara Municipal.

A juventude independestista vimos desde há tempo denunciando a situaçom que padecemos @s moç@s da Comarca: o trabalho em precário e a exploraçom permanente, a violência do patriarcado, a impossibilidade de aceder a umha vivenda digna, o recorte de liberdades e restriçom do uso de espaços públicos, a destruiçom e mercantilizaçom do ensino público, o ócio consumista e alineante ou os atrancos que fam impossível viver na nossa lingua, som resultado de um modelo de cidade desenhada de costas às e aos jovens, na que nos enfrentamos com a particular obsessom do Sr. Bugalho por perseguir e criminalizar todas aquelas iniciativas nascidas da auto-organizaçom juvenil.

Pois bem, o Azoar chega com a intençom de permanecer muito tempo, para converter-se em mais um arma nas maos da juventude trabalhadora da Comarca com a que respostar a miséria em que o capitalismo espanhol nos envolve.