BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Sucesso da III Jornada de Rebeliom Juvenil

imagem

Julho de 2007

Arquivo gráfico I, II, III

Por volta de 4000 jovens lotarom o compostelano parque de Belvis na noite do 24 de Julho para assistirem ao único concerto organizado graças ao compromisso militante e ao apoio popular, quer dizer, sem nengum tipo de subsídio ou ajuda institucional. O êxito atingido confirma a consolidaçom do acto lúdico-político da organizaçom juvenil e mostra a importáncia de alcançar umha estabilidade no agir político independentista para assim poder alastrar a consciência nacional galega entre um maior número de sectores do povo trabalhador galego.

A decisom de dar um maior peso aos grupos galegos, ao passar a sua presença de umha percentagem de um 50% nos anos anteriores a um 75% neste, também demonstra que nom é preciso recorrer a grupos de fora para consolidar um importante espaço de lazer alternativo para a juventude galega. Este é o caminho a percorrer polas organizaçons e colectivos sociais galegos para dotar o nosso povo de ferramentas de construçom nacional alheias ao lazer alienante e espanholizante promovido desde os organismos oficiais.

A noite musical e reivindicativa foi inaugurada com o fresco ska corunhês de Trapalhada e finalizou no abrente com os combativos vigueses de Skárnio. Ao longo da noite os experimentados Skacha e o grupo catalám do País Valenciano Obrint Pass fôrom os responsáveis de que @s milhares de jovens lá ajuntad@s gozaram de boa música e dançaram toda a noite.

Intensa actividade na tarde-noite do 24 de Julho

O conteúdo político estivo presente de princípio a fim. Assim a primeira hora da tarde vári@s militantes de BRIGA faziam no contorno do concerto murais com o rosto do Che Guevara e a célebre legenda “Até a vitória sempre” enquanto outr@s penduravam numerosas faixas com legendas contra o Capital, em favor dos direitos da juventude trabalhadora ou das mulheres, todas elas sob umha grande faixa que presidiu o concerto com a legenda de “Independência e Socialismo”.

Já pola tarde, vários grupos de militantes encherom a cidade de pintadas desafiando o impressionante operativo policial despregado em Compostela e dando a bem-vinda ao Dia da Pátria. Cara às 21h00 um militante de BRIGA foi retido por polícias a paisana e levado a comisaria acussado de participar na realizaçom de pintadas na Zona Velha. Algo mais de duas horas depois foi posto em liberdade.

O acto político tivo lugar passada a meia noite e contou com a intervençom de um companheiro catalám da organizaçom juvenil independentista Maulets. Após a arenga de um membro da Mesa Nacional de BRIGA uns encarapuçados despregárom um grande bandeirolo espanhol ao que posteriormente prendêrom lume para, a seguir, despregarem umha bandeira nacional galega de grandes dimensons.

Aliás no acto político BRIGA expressou a sua solidariedade com todas as pessoas feridas pola brutal cárrega policial que de produziu horas antes na Rondalha independentista, denunciou a detençom de um dos seus militantes a primeira hora da tarde polo simples facto de exercer o direito de liberdade de expressom e encarajou a juventude a responder estas agressons e assistir à manifestaçom da esquerda soberanista do 25 de Julho.

Aliás nessa mesma noite a jornada de rebeliom juvenil rematou com saltos em pontos concretos da cidade e, segundo informam os meios de comunicaçom, com um ataque a umha sucursal de Caixanova.

Já na manifestaçom do 25 de Julho multidom de jovens percorrêrom as ruas de compostela atrás de umha faixa que reclamava a autodeterminaçom para a Galiza.