BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Constitue-se “Ponte Vedra Antitaurina”

imagem

Agosto de 2007

Neste mês de Agosto, quando mais um ano chegam à vila do Leres as touradas, constituiu-se umha nova plataforma que pretende ser o começo da mobilizaçom popular contra este infame "espectáculo" espanhol.

Ponte Vedra Antitaurina está conformada tanto por organizaçons e associaçons do tecido associativo ponte vedrês como por pessoas a título individual, destacando o componente juvenil na mesma. A saída à luz pública da plataforma fixo-se através dum manifesto no que se recolhem os pontos do ambientalismo e defesa dos animais, da crítica dumha "festa" antigalega vinculada ao fascismo e ao espanholismo e também da clara ligaçom com o machismo mais rançoso. No manifesto também se reclamam nom só medidas concretas das diferentes instituiçons como o fim de todo tipo de ajudas à celebraçom das touradas, directas ou indirectas, mas também um posicionamento activo em contra das mesmas, e em concreto destaca a petiçom ao Concelho de Ponte Vedra para a declaraçom da cidade como "cidade antitaurina".

O novo colectivo antitaurino levou já a cabo as primeiras actividades de tipo agitativo, colando cartazes por toda a cidade e também pendurando umha chamativa faixa na zona velha. Actividades que nom gostárom aos sectores mais reaccionários de Ponte Vedra, de facto mais de meia dúzia de moç@s fôrom arbitrariamente identificad@s pola polícia nacional espanhola na tarde da passada Quinta-feira mentres colavam cartazes da plataforma. Aliás, na Quarta-feira Ponte Vedra amanhecia cheia de pintadas antitaurinas que boicotavam as cartazes das touradas. Todo elo pode-se ver no blogue pontevedraantitaurina.wordpress.com

De BRIGA expressamos o nosso apoio a Ponte Vedra Antitaurina e comprometemo-nos a ajudar e impulsionar o trabalho em contra da celebraçom deste macabro espectáculo, em ponte Vedra e em todo o País.

Polícia espanhola empenhada em impedir actividade da Plataforma

Polícia espanhola empenhada em impedir actividade da Plataforma