Boicotado acto militarista em Ponte Vedra

Novembro de 2007

A passada terça-feira 15 de Novembro um grupo de jovens boicotava as jornadas adicadas a promover o militarismo espanhol que tinham lugar na Faculdade de Ciências Sociais de Ponte Vedra.

A estas jornadas acudiam representantes do Ministério da Defesa espanhol e também do CNI. Foi precisamente na palestra que dava o alto cargo do ministério da guerra espanhol quando @s jovens entrarom no Salom de Graus com umha faixa e começavam a berrar palavras-de-ordem como “as forças armadas aqui nom pintam nada”, “fora o exército da universidade”, “o imperialismo é o terrorismo” ou “fora as forças de ocupaçom”… até atingir que o acto tivesse que ser suspendido. A estas jornadas quase nom havia presença de estudantes, de facto, a maioria dos assistentes eram militares da Escola Naval que ocupa terrenos de Marim, o qual evidência ainda mais o absurdo da celebraçom de actos desta índole em espaços públicos como umha Universidade.

Além disto, também procedérom a pendurar a faixa na faculdade e a encher a mesma de cartazes de denúncia.

Lembrarmos também que nom é a primeira vez que o militarismo espanhol é enfrentado pola juventude pontevedresa, já o ano passado militantes de BRIGA boicotavam um acto da BRILAT, acçom pola qual três companheir@s ainda estám à espera de julgamento por “injúrias” e “mal-trato”.