Siareir@s Galeg@s posiciona-se sobre a selecçom galega de futebol feminina

Novembro de 2007

Siareir@s Galeg@s, que já aquence motores de cara às actividades previstas para o mês de Dezembro, vem de tirar um comunicado nacional no que se posiciona sobre a estreia da selecçom galega de futebol feminina.

Siareir@s, após valorar como “umha boa notícia” esta primeira convocatória enquanto que “a Secretaria Geral para o Desporto da Junta da Galiza salda umha dívida histórica com o desporto galego em geral, e com as mulheres desportistas em particular”, critica que o jogo “seja apresentado como um aperitivo do posterior Galiza-Camarons, que desputará a selecçom masculina”.

É e que jogo da selecçom feminina, o Galiza-Catalunha, terá lugar umhas horas antes do Galiza-Camarons, no próprio 27 de Dezembro, impossibilitando nom só a normal decurso da mobilizaçom de Siareir@s Galeg@s senom também umha boa entrada no Estádio de Balaidos polo horário no que se desputará.

Apesar destas críticas, Siareir@s já anunciou que se implicará na promoçom do jogo e, como sempre, estarñá presente para apoiar a nossa equipa nacional e “demonstrar o avanço imparável” do movimento em defesa das selecçons nacionais.