Decorreu jornada internacionalista em Ferrol

Dezembro de 2007

Tal e como anunciamos, a passada sexta-feira 7 de Dezembro decorreu na Fundaçom Artábria umha jornada internacionalista adicada a achegar a realidade dos Països Cataláns a Galiza, contribuíndo assim a contestar o aniversário da Constituiçom espanhola.

A jornada comezou com um concurrido jantar de confraternizaçom entre galeg@s e cataláns que daria passo à actuaçom do grupo de bastoners, dança tradicional catalana, Cop a Cop naturais da Vila de Grácia. A actuaçom dos bastoners serviu para que @s assistentes conhecessem umha fasquia da importante tradiçom cultural catalana recuperada em boa medida polo activa participaçom juvenil na potenciaçom de agrupaçons, colectivos e associaçons.

Após a actuaçom dos bastoners, tivo lugar umha palestra de um membro da Assembleia de Grácia da CAJEI, organizaçom juvenil da esquerda independentista catalá, que levou por título “Països Cataláns rebeldes” e que serviu para achegar a realidade social e política catalá.