Constitue-se a Brigada Galega Fuco Gomes
Dezembro de 2007
A Brigada que leva o nome do histórico independentista galego tem o intuito de realizar a sua primeira paragem em Cuba. A viagem realizará-se o vindouro ano e até entom @s brigadistas realizarám diferentes actividades para darem a conhecer a iniciativa entre a juventude galega. Por enquanto, @s jovens pugérom em andamento um blogue através do qual se informará de todo o trabalho que será desenvolvido ao longo destes meses e onde também qualquer pessoa interessada poderá inscrever-se.
Aliás, @s impulsionadores/as deste projecto redigírom um manifesto em que se contextualiza o nascimento da brigada cujo repto é, segundo afirmam, “achegar os graozinhos de areia que forem precisos para derrubar esta prisom”, em relaçom ao sistema político económico que está a sofrer a humanidade, exercendo o internacionalismo como “um acto anti-imperialista e anticapitalista” e assim contribuir desde a Galiza à consecuçom de um mundo mais humano e mais justo, onde “a luita polo reconhecimento do direito democrático de autodeterminaçom dos povos ocupa um lugar basilar”. Além do manifesto, o recém estreado espaço da internet oferece aos/às seus/suas visitantes um variado leque de informaçom. Umha completa biografia do revolucionário galego que dá nome à brigada, umha secçom multimédia com vídeos sobre a revoluçom cubana ou ligaçons para poder consultar diversos meios de comunicaçom cubanos como o jornal gramma ou o recém criado canal de televisom cubainformación.tv som alguns dos serviços que @s usiári@s deste blogue podem desfrutar.
A Brigada complementa, com certeza, um necessário espaço no nosso país. Espaço que ajudará à projecçom internacional do povo galego na sua luita pola libertaçom nacional e social de género. Daí que de BRIGA mostremos a nossa satisfacçom e entusiasmo polo surgimento desta Brigada e encorajemos à mocidade galega a se somar a ela.
Polo seu grande interesse e como contributo para a sua difussom reproduzimos a seguir o manifesto da Brigada Galega Fuco Gomes na íntegra,
Quem somos?
A Brigada galega Fuco Gomes é um colectivo internacionalista de solidariedade com Cuba conformado por militantes e simpatizantes da esquerda independentista galega.
Objectivos
Os objectivos da Brigada galega Fuco Gomes som a defesa da Revoluçom Cubana e a solidariedade com o povo cubano através do conhecimento directo do processo revolucionário em marcha desde 1959 e a difusom na Galiza da realidade Cubana e a da sua Revoluçom. A Brigada procura contribuir na difusom da realidade e luita galega em Cuba.
Manifesto
O capitalismo, que na sua actual fase de desenvolvimento tem atingido a prática totalidade da Terra, inça o mundo de exploraçom, opressom, miséria, fame, poluiçom e carnificinas. A concentraçom da riqueza em cada vez menos maos, consequência directa deste desumano meio de produçom, está a dar lugar a um incremento constante da desigualdade e das injustiças mais obscenas.
Aliás, o saque planetário nom é apenas um perigo para os povos que o capitalismo tem condenado à ruína absoluta, senom que por primeira vez na história da humanidade os estudos elaborados por cientistas e perit@s coincidem em assinalar, sem hesitaçom algumha, a inevitável desapariçom futura dos seres humanos pola devastadora crise ecológica em que o esbanjamento capitalista está a mergulhar o planeta.
A juventude, as mulheres, a classe trabalhadora, os povos neste prefácio do século XXI tem o dever histórico de denunciar este selvagem presente e aterrador futuro. A nossa sinceridade revolucionária tem de nos levar a deixar a pele por inverter esta dramática situaçom, contribuir à derrota mundial do capitalismo, quer dizer, apostar na vida, e nom na morte à que nos conduz o caminho actual.
Desde a Galiza, a esquerda independentista tem a firme vontade por achegar os graozinhos de areia que forem precisos para derrubar esta prisom. E somos conscientes que na batalha polo fim das opressons e a consecuçom da justiça social a luita polo reconhecimento do direito democrático de autodeterminaçom dos povos ocupa um lugar basilar. A autodeterminaçom é a chave que abre as portas à soluçom de centenares de conflitos planetários. Daí as grandes dificuldades para que o seu reconhecimento seja efectivo num Estado como o espanhol onde direitos democráticos fundamentais continuam a ser negados hoje e onde a perseguiçom policial aos colectivos políticos e sociais tem alcançado umha alarmante normalidade.
Contodo, também somos conscientes da necessidade que tem um/ha revolucionári@ de ser internacionalista e exercer o internacionalismo. O internacionalismo como imperativo estratégico no combate contra o imperialismo, ou como dizia o Che, símbolo por excelência da luita internacionalista, como a capazidade por “experimentar a angústia quando um homem é assassinado em qualquer parte do mundo e celebrar quando se ergue em qualquer parte umha nova bandeira de liberdade”.
Nós nom temos remorsos de consciência. Nom pretendemos ajudar @s condenad@s do planeta desde a comodidade como fam os acólitos do capitalismo ou gentes desnortadas. Nós temos claro que estamos à outra beira da trincheira. Que temos um compromisso vital com a causa d@s orpimid@s e com a revoluçom socialista mundial.
Por isto a esquerda independentista galega através da Brigada galega Fuco Gomes de solidariedade com Cuba trabalhará por fortalecer os laços revolucionários com povos como o cubano, referenciais para todo o povo trabalhador galego e para a classe operária mundial. Exercendo o internacionalismo como um acto anti-imperialista e anticapitalista, dando a conhecer a luita do povo galego em todo o mundo. Porque há muitos povos no mundo... mas apenas umha luita.