Juventude independentista participou activamente no Dia da Classe Obreira Galega

Março de 2008

Arquivo gráfico
Diversos actos servirom para comemorar o Dia da Classe Obreira Galega que nesta ocassom estivo marcado pola provocadora visita dos bourbons, com o monarca espanhol à cabeça. Como aconteceu nos últimos anos, BRIGA tivo umha destacada participaçom no 10 de Março, participando activamente nas mobilizaçons convocadas e organizando um concerto na Fundaçom Artábria sob a legenda “No 10 de Março, merda para o rei”.

Nas semanas prévias ao Dia da Classe Obreira Galega começou a artelhar-se umha resposta unitária à visita do Bourbom a Ferrol. Apesar do ocultaçom sistemática practicada desde os meios de comunicaçom do sistema e o siléncio cumplice de entidades autodenominadas republicanas, que tam só foi quem de desafiar NÓS-Unidade Popular e a CIG, a denúncia a tam inoportuna visita ocupou às ruas da cidade com centenares de cartazes e colantes e tivo o seu espaço na estreia da selecçom galega de futebol salom, onde se desplegou umha faixa com a palavra de ordem “Fora Bourbons”.

A campanha de agitaçom rematou com umha concentraçom às portas de Navantia, onde a “família real” tinha previsto botar um buque da armada espanhola. A mobilizaçom desafiou durante mais de umha hora o enorme desplegamento policial vivido na tarde do dia 10 em Ferrol.

Após a mobilizaçom anti-monárquica, BRIGA participou na mobilizaçom sindical com umha faixa com a legenda “10 de Março. Canha contra Espanha e o Capital”. A manifestaçom, na que participarom mais de 500 trabalhadoras/es, partiu do local do sindicato e percorreu as ruas de Ferrol até os Cantons. A mobilizaçom sindical tivo um importante conteúdo nacional e anti-monarquico.

A manifestaçom encerrou os actos do Dia da Classe Obreira Galega, umha jornada na que realizamos a melhor homenagem a Amador e Daniel, saindo à rua e berrando alto e claro polos direitos da classe trabalhadora galega e luitando dia a dia por um Estado galego, socialista e nom patriarcal.

Novas relacionadas,
- 10M Dia da classe obreira galega: Merda para o rei ..+
- Mobilizaçom sindical e concentraçom contra a presença dos bourbons em Ferrol ..+