Exposiçom sobre a realidade sul-americana e o novo projecto de revoluçom bolivariana

Abril de 2008

Na passada segunda-feira BRIGA e AGIR organizárom conjuntamente na Agrupaçom Cultural Alexandre bóveda um encontro com o revolucionário dominicano Narciso Isa Conde. Esta palestra está emarcada na visita que o Narciso, junto com outr@s revolucionários sul-americanos fai à Galiza com o motivo das XII Jornadas Indepentistas Galegas de Primeira Linha.

Isa Conde falou perante dúzias de pessoas sobre a realidade da situaçom sul-americana e das caraíbas, exprimindo quase umha por umha a situaçom de cada país do cono Sul americano, centrando-se na reafirmaçom contestatária que estám a viver tanto a nível de rua quanto eleitoral nos últimos tempos, colocando as FARC-EP como máxima expressom da vigência revolucionária na actualidade e a Colômbia como ponto estratégico, junto à Venezuela, e alvo do que pode ser num futuro nom muito afastado dos interesses do Pentágono polo controlo da amazonia e os seus recursos naturais para os USA perante o permanente fracasso que a heroica resistência iraquiana e afegá estám a desenvolver no Oriente médio. O Narciso exprimiu também o papel que estám a jogar, e ham jogar, as FARC-EP, Chavez e um continente que di está a despertar negando deste jeito o neoliberalismo que o continua a depauperar.

Isa Conde também falou do projecto de coordenadora bolivariana que tenciona funcionar como máxima expressom colectiva de todas estas contestaçons que fam despertar o continente sul-americano.

Para finalizar o acto o Narciso quijo dedicar muitas palavras às concomitáncias que encontrou com @s revolucionári@s galegos que conheceu estes dias e apelou a umha maior unidade e conhecimento mútuo para dar umha melhor resposta ao neoliberalismo que empobrece o planeta desde que existe através de todas as suas expressons.