Campanha denúncia grave impacto do traçado do AVE por Catoira

Maio de 2008

O Grupo de Base de BRIGA em Catoira vem de iniciar umha campanha de agitaçom para denunciar o grave impacto que suporá o traçado do AVE projectado polo Governo espanhol.

Diversas entidades tais como a Comunidade de Montes Vizinhais de Abalo e Catoria, já se tenhem posicionado contra o traçado proposto polo Ministério de Fomento e apresentarom diversas alegaçons que forom desouvidas com a aprovaçom definitiva do projecto o mês passado.

E é que ao enorme impacto ambiental das obras do AVE sobre o território, há que somar a irracionalidade e prepotência com o que foi projectado um traçado, que atravessará diversos paragens de importante valor natural, histórico e cultural, tais como os muinhos de vento e auga de Catoira e Abalo, os petroglifos desta última paróquia ou a Lagoa de Pedras Miudas entre outros. Além o traçado pom em sério perigo o equilíbrio do ecossistema da desembocadura do Ulha com a construçom de umha ponte de mais de 1600 metros sobre seis pilares.

A campanha de BRIGA ligará a denúncia do atentado que suporá o passo do AVE com a divulgaçom da verdadeira natureza dos trens de alta velocidade e as graves conseqüencias que a sua construçom tem para as já deteriorada rede ferroviária pública.

Material da campanha