Juventude independentista responde na rua a Espanha e ao Capital
Especial IV JRJ: Contra Espanha e o Capital. Desobediência e Resistência
Julho de 2008
Por quarto ano consecutivo @s jovens de BRIGA organizamos as Jornadas de Rebeliom Juvenil do 24 de Julho, data de luita e mobilizaçom da juventude galega.
Desta volta umha das novidades na configuraçom desta jornada de luita foi a convocatória de umha manifestaçom sob a legenda “Contra Espanha e o Capital. Desobediência e resistência”.
Ao longo destes quatro anos temos organizado diferentes tipos de actos no 24 de Julho, desde palestras a comícios, jantares populares ou arengas. Porém, faltava fazer fincapé na mobilizaçom social da juventude, fazer que o nosso espaço de trabalho ao longo do ano, a rua, ocupasse o lugar que lhe corresponde num dia da relevácia do 24 de Julho.
Hoje podemos informar com grande satisfacçom que além do intenso trabalho agitativo e organizativo que fijo possível o êxito destas IV JRJ o apoio recebido por todos e todas vós permitiu que BRIGA atingisse um dos objectivos principais como organizaçom promover actos de combate à beira de actos lúdicos de lazer alternativo.
Mobilizaçom juvenil marcada por desproporcionado desplegue policial
Assim à primeira mobilizaçom destas jornadas acudírom algo mais de um centenar de jovens que apesar da chuva, percorrêrom as ruas compostelanas ao berro de “independência”, “BNG-PP-PSOE a mesma merda é”, “o terrorismo é o capitalismo”, “canha contra Espanha” ou “com BRIGA na rua a luita continua” entre outras consignas. Umha desproporcionada presença policial tentou por todos os meios intimidar e impedir às e aos jovens que acodirom à manifestaçom, fechando os acessos à Praça do Toural, onde reterom, registrarom e identificarom às pessoas que iam chegando. O desplegue policial cercou e acompanhou durante todo o percorrido à mobilizaçom, na que se vivirom momentos de tensom pola atitude violenta e chulesca dos polícias de choque, que agredirom às e aos jovens que portavam a faixa de cabeça quando a mobilizaçom entrava na Praça da Galiza.
O acto acabou na Praça de Maçarelos com a leitura de um manifesto onde se denunciava a situaçom de precariedade que suporta a juventude galega pondo-a em relaçom com a opressom nacional e social de género que sofre a nossa naçom.
A chuva nom impediu a celebraçom do concerto
Após a mobilizaçom, o Parque de Belvis volveu a acolher o concerto com o que BRIGA encerrava as actividades programadas neste 24 de Julho. Apesar de que a intensa chuva caída durante as horas prévias ao concerto provocou umha descida da assistência com respeito a outros anos, forom centos @s jovens que passarom por Belvis para dar a bem-vinda o Dia da Pátria com a música comprometida dos galegos Arenga, Esterko e Trapalhada e os cataláns Pirat´s Sound Sistema e La Gossa Sorda.
Ademais da música combativa das bandas galegas e catalás, durante o concerto umha companheira da organizaçom deu leitura ao manifesto desta jornada de luita. Ao remate da intervençom um grupo de encarapuçad@s desplegou umhas fotos gigantes de Zapatero, Rajoy, Quintana e o monarca espanhol que forom queimados entre os aplausos d@s assistentes.
BRIGA com Causa Galiza
Por segundo ano consecutivo, o tecido político e social comprometido com a defesa do direito de autodeterminaçom confluiu na manifestaçom do Dia da Pátria, em resposta a convocatória de Causa Galiza. Apesar do enorme esforço organizativo desplegado durante o dia anterior, a juventude organizada em BRIGA nom faltou a mobilizaçom convocada por esta iniciativa plural, que foi a única que no Dia da Pátria exprimiu um compromisso real com os direitos nacionais da Galiza e com a sua classe trabalhadora.
Um jantar popular no Parque de Belvis encerrava um novo Dia da Pátria, que como cada ano tem o seu melhor complemento na jornada de luita e lazer com conteudo protagonizado pola juventude independentista. É hora de começar novos reptos e dar resposta aos já começados, num caminho no que o horizonte do combate pola independência e o socialismo esteja sempre presente. A juventude organizada em BRIGA lá estaremos.
Passo da mobilizaçom pola Zona Velha
Momento do concerto
Encarapuçados queimam fotos gigantes
O acto rematou desplegando a bandeira da Pátria
Actuaçom de Arenga
Trapalhada segue a confirmar a sua progressom