Sucesso da mobilizaçom antitaurina em Ponte Vedra. Polícia espanhola ameaça com sançons
Agosto de 2008
Por volta das trescentas pessoas se manifestárom o passado Sábado polas ruas de Ponte Vedra, convocadas pola Plataforma Ponte Vedra Antitaurina, para deixar claro que nesta cidade, ao igual que no resto da Galiza, a oposiçom ao cruel e espanholíssimo “espectáculo” das touradas também é majoritário, embora os meios de comunicaçom locais nos tentem convencer do contrário.
Nem esse apoio mediático, que também é apoio político e ideológico do espanholismo pontevedrês, nem o apoio das instituiçons, económico por parte da Deputaçom do PP e promocional pola banda do “progressista e galeguista” Concelho de Ponte Vedra BNG-PSOE (por nom falar da repressom exercida pola polícia municipal contra activistas antitouradas), atingírom que o povo de Ponte Vedra se posicione em favor das touradas. Se há algo que esta mobilizaçom demonstra é isso mesmo, e também a necessidade de que esse posicionamento majoritariamente contrário às touradas tivesse umha expressom organizada que o evidenciasse na rua, como é Ponte Vedra Antitaurina.
Há umha outra cousa que demonstra, e é que Espanha nom gosta de que as touradas, elemento básico da triste identidade nacional que nos pretende impor desde fai séculos, sejam postas em questom no nosso País. E para evitá-lo decidiu utilizar a repressom mais umha vez... Assim, durante o percuso da manifestaçom, um polícia espanhol à paisana fixo saber às pessoas solicitantes da mesma que seriam multadas com a desproporcionada quantidade de 3000€ cada umha (15000€ em total) pola realizaçom da mesma, que em nengum momento impossibilitou o tránsito nem “molestou” às pessoas que se atopavam na rua. Mas a facilidade para impor multas às legítimas mobilizaçons populares que tem a Subdelegaçom do Governo espanhol em Ponte Vedra é bem conhecida, sobretodo nos últimos meses.
De BRIGA queremos, em primeiro lugar, parabenizar a Ponte Vedra Antitaurina polo êxito da mobilizaçom e da sua actividade, e também denunciar a repressom exercida polo Estado espanhol e o PSOE, com o seu estranho conceito de progressismo, contra mais um movimento popular.
Touradas fora da Galiza!!!
STOP repressom espanhola!!!