Retirada de bandeiras contesta Dia da Hispanidade

Outubro de 2008

Como cada 12 de Outubro, o aniversário do chamado “descubrimento” de América, que provocou o maior genocídio e espólio conhecido pola humanidade, o projecto imperialista espanhol celebra a sua festa central.

Consciente de que a festividade espanhola representa a negaçom dos nossos direitos nacionais da Galiza, a esquerda independentista galega contestou como cada ano as celebraçons da Hispanidade. Este ano, ademais da celebraçom do Dia da Galiza Combatente, forom retiradas mais dumha vintena de bandeiras espanholas em várias localidades galegas.

O Dia da Raça, rebaptiçado na democracia como Dia da Hispanidade, serve como coarctada para aplicar umha nova dosse de espanholismo aos povos que nom nos resignamos a desaparecer. A glorificaçom do passado imperial e exaltaçom do militarismo e a monarquia, retratam com exactidom a verdadeira natureza dum Estado que mantém intacto o ADN dum regime fascista, que ficou intacto após a farsa da chamada Transiçom.