BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA participa nos actos do Dia da Galiza Combatente em Trasancos

imagem

Outubro de 2008

BRIGA participou activamente na homenagem à luitadoras galegas convocado por NÓS-Unidade popular com motivo do Dia da Galiza Combatente.

O farol de Meirás, na comarca de Trasancos, foi o marco do acto político da oitava ediçom da homenagem que cada ano realiza a esquerda independentista às e aos combatentes galeg@s. O acto, presidido por umha faixa com a palvra de ordem “A luita pola independência também tem nome de mulher”, contou com a intervençom de Zéltia Fernandes, em nome de BRIGA, no que além de agradecer o convite realizado a nossa organizaçom por parte de NÓS-UP, insistiu na necessidade de incorporar o exemplo e ensinanças das luitadoras homenageadas à nossa prática militante diária.

Após a intervençom da companheira, tomou a palavra Gema Branco, em representaçom da Direcçom Nacional de NÓS-Unidade Popular. O acto rematou com o conto da Internacional e do Hino nacional, durante o qual três jovens queimarom umha bandeira espanhola.

Ao remate do acto político, @s assistentes desplazarom-se ao cemitério de Meirás no que está enterrada Lola Castro, para realizar umha oferta floral. Umha companheira de NÓS-UP recordou que o Dia da Galiza Combatente celebra-se cada 11 de Outubro numha sentida homenagem à Lola Castro e José Vilar, ambos militantes do EGPGC e caídos numha acçom contra os intereses do narcotráfico eno ano 1990. Após realizar a oferta foi entoado de novo o Hino nacional.

Os actos convocados por NÓS-Unidade Popular, rematarom com um jantar popular num restaurante da comarca.

Já pola noite, um concerto organizado por BRIGA foi o encarregado de encerrar os actos convocados com motivo do Dia da Galiza Combatente. A Fundaçom Artábria, em Ferrol, acolheu a actuaçom da banda de Carral Unhaço e do dj ferrolano Sem Fronteiras Sound Anti-Sistema. Apesar da pressom da Polícia Local de Ferrol, que paralisou vários minutos o acto, o concerto puido finalizar-se com normalidade.

Momento da intervençom de Zéltia Fernandes

Momento da intervençom de Zéltia Fernandes

Oferta floral a Lola Castro

Oferta floral a Lola Castro

Momento do concerto

Momento do concerto

Pinchada

Pinchada