BRIGA sae à rua com a sua primeira campanha
Campanha Direito à Rebeliom
Nestas duas semanas passadas, cidades e vilas de toda a Galiza fôrom o cenário no que BRIGA, a nova organizaçom de mocidade da esquerda independentista, fijo a sua apresentaçom formal. Este acto está a ter lugar no espaço que nos é mais próprio: Os muros e ruas desses núcleos onde a partir de agora, luitaremos por ser o referente de combatividade e compromisso para tod@s @s moç@s da Galiza.
A legenda "Direito à Rebeliom" inça ruas, praças, passeios, ruelas e paredes; a dura e decidida olhada do jovem do cartaz é já conhecida em boa parte do país. Também nom escasseiam as pintadas nas ruas, com a mesma legenda que o cartaz, numha clara mostra de desafio por parte da mocidade face a ordem estabelecida.
Isto contradiz o presunto conformismo que se nos atribui aos/às jovens galeg@s: Com pouco mais dum mês de andança desde o Congresso Nacional Constituinte, o primeiro militante de BRIGA (pertencente à comarca de Compostela) foi vítima da repressom policial, sendo retido durante umha hora por vários agentes que o acusavam de realizar pintadas. De BRIGA nom manifestamos surpresa ante o facto, mas advertimos que nengumha coacçom por parte do aparelho repressivo do estado espanhol há-de impedir que digamos o que temos de dizer e que fagamos o que temos de fazer.
Num caminho que começamos a andar há apenas umhas semanas, já contamos com grupos de base em mais de meia dúzia de comarcas: Corunha, Trasancos, Muros-Noia, Compostela, Ponte Vedra e diferentes vilas da Marinha, além de simpatizantes noutras localidades. A presença nestas comarcas é só o princípio: Nos próximos meses, BRIGA porá todos os meios ao seu alcance para estender o seu projecto a novos sectores da mocidade galega.
Se queres contactar com o Grupo de Base da tua comarca, só tens de enviar um correio-e ao endereço que corresponder, se nom podes pôr-te em contacto connosco através do correio nacional.
-Nacional
- A Marinha
- Compostela
- Corunha
- Muros-Noia
- Ogrobe
- Ponte Vedra
- Trasancos
