BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Contestam presença do autocarro de “Galicia Bilingüe” em Compostela e Ferrol

imagem

Outubro de 2008

Após o importante rechaço popular colheitado na sua anterior campanha antigalega, “Galicia Bilingüe” trata de impedir os protestos pola sua presença em vilas e cidades da Galiza, evitando publicitar nos meios de comunicaçom o seu itinerário, do qual informa no seu web com poucas horas de antecedência. Apesar destas manobras, a nova campanha da organizaçom espanholista, já foi contestada durante a passada semana em Compostela e Ferrol.

O autocarro de “Galicia Bilingüe” chegou na quinta-feira a Compostela no meio dum importante desplegue policial. A mobilizaçom começou às 14h00 e consistiu numha concentraçom que se desenvolveu frente o “autocarro da vergonha”, na compostelana Praça de Vigo. A mobilizaçom desenvolveu-se sob umha forte pressom policial, e vári@s d@s jovens concentrad@s para exprimir o rechaço da propaganda xenófoba e espanholista de “Galicia Bilingüe” forom identificad@s.

A sexta-feira dia 31, foi Ferrol a cidade visitada por “Galicia Bilingüe”. Apesar da intensa chuva, membros da Fundaçom Artábria receberom como se merecia o autocarro. Com umha faixa com a legenda “Na Galiza, em galego”, permanecerom diante do autocarro, contestando a propaganda a propaganda antigalega desta organizaçom.

Há que recordar que as anteriores campanhas de “Galicia Bilingüe” e colectivos similares, contrários à normalizaçom do galego e partidários da imposiçom do espanhol na Galiza, foi contestado com diversas mobilizaçons e iniciativas populares. Produto das mobilizaçons e do “celo” policial em defender aos ultras, som vários os processos repressivos ainda em marcha, que procuram punir a defesa do galego.

Novas relacionadas,
- Rechaço popular ao autocarro dos ultras espanhóis Galicia Bilíngüe em Trasancos ..+
- Jovem independentista será julgado em Ferrol por participar em protesto contra “Galicia Bilingüe” ..+
- Adiado julgamento em Ferrol contra jovem independentista ..+

Mobilizaçom em Ferrol

Mobilizaçom em Ferrol