Polícia espanhola carga contra mobilizaçom estudantil em Lugo. Solidariedade

Novembro de 2008

A organizaçom estudantil AGIR, informa na sua página web da brutal carga policial contra umha mobilizaçom de estudantes esta manhám em Lugo, que se saldou com vári@s identificad@s e um militantes desta organizaçom detido e transladado à comisaria da cidade.

A mobilizaçom fora convocada para protestar contra a mercantilizaçom da Universidade e partiu do Cámpus para rematar na Praça Amanha, no prédio da sub-delegaçom deo governo. Já na praça e sem mediar aviso nengum, a polícia espanhola cargou violentamente contra @s estudantes que tratavam de encadear-se às portas do prédio. Após os porraços e patadas, @s estudantes forom identificad@s, momento no que procederom à detençom do militante de AGIR, menor de idade e estudante de secundária em Lugo. Segundo informa AGIR, o companheiro foi posto em liberdade umhas horas depois e ainda se desconhece se vai ser objecto de algumha denúncia.

De BRIGA, solidarizamo-nos com o companheiro e com o conjunto do estudantado vítima da violência policial que únicamente pretende amedrentar à juventude mais consceinte e combativa. De seguro que nom o vam a lograr.

Solidariedade com o estudantado!
Paremos o Processo de Bolonha!
A luita é o único caminho!