Causa Galiza convoca mobilizaçom contra a Constituiçom espanhola

Dezembro de 2008

Por segundo ano consecutivo, a iniciativa da esquerda soberanista Causa Galiza sai a rua no aniversário da aprovaçom da Constituiçom espanhola para reclamar o direito da Galiza à autodeterminaçom. Se o passado ano foi a cidade de Vigo o cenário da mobilizaçom autodeterminista, nesta ocassom a convocatória é na capital da Galiza, Compostela, às 13h30 na Praça do Toural.

Em épocas de crise, como a que o capitalismo está a sofrer na actualidade, o exercício do direito de autodeterminaçom é mais necessário que nunca. Hoje “a soberania nacional liga-se à capacidade de decidir os eixos do nosso desenvolvimento. É por isso que nom temos nada que celebrar no aniversário da Constituiçom “borbonica”, que só serviu para manter a opressom nacional da Galiza e frear o seu desenvolvimento”.

BRIGA, firme apoiante desta iniciativa popular, fai um chamamento a secundar esta necessária mobilizaçom contra umha Constituiçom herdeira do régime fascista e que consagra a negaçom dos nossos direitos nacionais.

Mobilizaçom
6-D: Pola autodeterminaçom. Nom à constituiçom espanhola
às 13h30 na Praça do Toural (Compostela)