“Direito a competir. Direito a decidir”. Siareir@s Galeg@s de novo na rua
Dezembro de 2008
www.siareirasgalegas.org · www.siareirosgalegos.org
Desde que o mês de Dezembro de 2005, Compostela acolhera aquele histórico Galiza-Uruguai, nestas datas somos testemunhas da enorme vitalidade e apoio popular dum movimento, que ainda que activo ao longo de todo o ano, desplega arredor dos jogos das selecçons galegas de futebol toda a sua potencialidade.
De BRIGA, mais dumha vez temos reflectido sobre a enorme capacidade do movimento em defesa dos direitos nacionais da Galiza no terreno desportivo cujas sinergias convergem em Siareir@s Galeg@s, um colectivo unitário e de carácter eminentemente juvenil. Naquele mês de Dezembro de 2005, reflectiamos sobre a capacidade de re-activaçom do movimento, para depois ser testemunhas, e também partícipes, do desenvolvimento da nova etapa do projecto. Hoje, no mês de Dezembro de 2008, há que parabenizar-se polo imparável crescimento, quantitativo e qualitativo, de Siareir@s Galeg@s que vem de lançar umha nova campanha nacional com o objectivo de chegar a mais comarcas e aumentar de forma substancial o seu número de associad@s.
“Direito a decidir. Direito a competir” é a legenda da campanha nacional com a que Siareir@s Galeg@s acompanhará os jogos da selecçons nacionais de futebol, a masculina e a feminina, os dias 27 e 28 de Dezembro na Corunha e Ponte Vedra.
O colectivo leva já semanas preparando as actividades que acompanharám o jogo. Ademais da assistência aos jogos, o colectivo organiza viagem desde distintas localidades do País em autocarro e no Sábado 27 de Dezembro, a corunhesa Rua do Orçám apartir das 16h00 acolherá as primeiras actividades, concretamente a actuaçom de regueifeiros e do Quarteto da Gentalha. A tradicional mobilizaçom em defesa dos direitos nacionais da Galiza, partirá este ano da Praça da Lenha às 19h00. Para rematar a jornada e após o Galiza-Irám, Siareir@s Galeg@s organiza um concerto no Frontom de Riazor.
Já no Domingo dia 28, Siareir@s Galeg@s também estará presente no jogo da selecçom galega de futebol feminina que acolherá o Estádio de Passarom, em Ponte Vedra.
De BRIGA encorajamos a luita deste colectivo e a que todas @s jovens se sumem a Siareir@s Galeg@s para reclamar o nosso direito a competir, o nosso direito a decidir.
Direito a competir. Direito a decidir
Sábado, 27 de Dezembro
a partires das 16h00 e com a chegada a cidade dos autocarros de todo o pais, combinaremos pola Rua do Orçam para fazer umhas primeiras horas de confraternizaçom. Havera festa em colaboraçom com os locais mais comprometidos com a nossa selecçom,grupo de musica tradicional e muitas mais cousas.
19h00 saira do Campo da Lenha (praça de espanha) umha manifestaçom sob a legenda “Direito a decidir. Direito a competir” que percorrera diferentes ruas da cidade de Corunha.
20h45 Galiza-Irám
23h00 e pontual com o remate do jogo,começara o concerto no Frontom de Riazor(anexo ao próprio estádio e mais concretamente ao fondo onde nos situaremos) ali actuarám:
Lamatumbá
Skacha
Tonhito de Poi e Rasa Loba
Trapalhada
Domingo, 28 de Dezembro
17h00 Jogo Galiza-Illes Balears
Momento da rolda de imprensa de apresentaçom da campanha