BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

O militante agredido pola polícia espanhola o passado 25 de Abril é julgado em Ponte Vedra

imagem

Maio de 2005

A terça-feira 3 de Maio de manhám compareceu nos julgados da cidade de Ponte Vedra J.M. Outeiro, militante de BRIGA que na noite do 25 de Abril fora detido e agredido pola polícia espanhola. Em frente dos julgados tivo lugar umha concentraçom em solidariedade com o represaliado, à que assistírom umha dúzia de jovens com umha faixa em que se podia ler a legenda "A juventude galega pola liberdade de expressom, nom aos juízos políticos".

A falta de provas de semelhante acusaçom é patente. Os dous polícias que acudírom como testemunhas (um deles o mesmo agente que espancou com a porra na face o nosso companheiro) reconhecem nom ter encontrado nengum indício que assinalasse o nosso militante como autor das pintadas, sendo o único motivo real para a detençom o nom ter enriba o bilhete de identidade e inquirir qual era a razom da detençom.

Mas devemos ter presente que esta nom foi umha detençom arbitrária. A demonstraçom de brutalidade e omnipotência com a que a polícia espanhola detivo o nosso companheiro nom é mais que um intento de amedonhar a militáncia e a base social independentista na comarca. Estes cans de guarda tenhem don@s com nomes e apelidos, desde partidos fascistas como o PP, até associaçons vizinais de bairros militares e burgueses como Boa Vila. Nem uns nem outros serám quem de paralisarem a actividade de BRIGA por muito que o intentem.

Por enquanto, o governo do BNG de Lores guarda silêncio a respeito dos factos, sem demonstrar o mais mínimo interesse pola questom. Semelhante actuaçom pom de novo em dúvida a natureza de esquerdas dum governo municipal que permite que a polícia actue como cowboys de um filme hollywoodense, exercendo a sua prepotência e brutalidade quando quigerem sem nengum tipo de empecimento por parte do Concelho.