Na rede as resoluçons do nosso III Congresso Nacional

Especial III Congressso Nacional. Tempo de crise, tempo de luita

Fevereiro de 2009

Já estám disponíveis na secçom de documentos do nosso web as resoluçons do nosso III Congresso Nacional, celebrado o passado 17 de Janeiro em Compostela.

O grosso do documento que hoje disponibilizamos para tod@s vós e que também foi editado em papel ocupa-o, evidentemente, a Tese Política debatida e aprovada no Congresso. Som quase meio centenar de páginas dedicadas a reflexionar sobre a crise sistémica que atravessa o capitalismo na actualidade e da qual, a juventude obreira e a classe trabalhadora em geral,começamos a sofrer os seus efeitos.

Também, e com o objectivo de situar a fasquia da nossa intervençom internacionalista intensificada nos últimos meses, há um apartado intitulado “Internacionalistas, aquí e agora”. Nele reflectimos sobre o que entendemos por internacionalismo proletário, as eivas detectadas nas forças galegas neste terreno e, para rematar, a necessidade de intensificar e alargar a intervençom solidária com outros povos do mundo em luita pola sua emancipaçom.

No caderno editado além da Tese Política e as resoluçons aprovadas na cita congressual, incluem-se também as comunicaçons enviadas polas organizaçons que desde outros povos do mundo quigerom saudar a celebraçom do Congresso. Também, e como monstra dos colectivo s e organizaçons que assitirom ao acto de encerramento, reproduzimos as intervençons do representante de AGIR e de Primeira Linha.