Solidariedade com a juventude bretona

Fevereiro de 2009

Em Dezembro do 2008, 6 jovens do colectivo 44=Breith eram detid@s de 23 a 40 horas e submetid@s a registros domiciliários acusad@s de deitar pintura e carvom sobre prédios da administraçom do departamento do Pays de la Loire, enfrentando-se a 3 anos de prisom e 75.000 euros de multa.

A Bretanha histórica foi dividida em 1790 em cinco departamentos: Côtes-du-Nord (hoje, Côtes-d'Armor), Finistère, Ille-et-Vilaine, Morbihan, Loire-Inférieure (Hoje, Loire-Atlantique) e em 1956 padeceu de novo a arbitrariedade do estado francês quando um dos territórios reclamados historicamente, o de Loire-Atlantique, passava a formar parte do Pays de la Loire.

Esta acçom pretendia visibilizar a vontade popular de conseguir a reunificaçom territorial do Loire-Atlantique para a Bretanha, umha vontade que chegou a materializar-se em votos no Conselho Geral do Loire-Atlantique e no Conselho Regional da Bretanha e que foi ignorada polo governo francês. Assim aos métodos antidemocráticos engáde-se-lhes as pressons e intimidaçons a que a polícia francesa submete à juventude organizada em 44=Breith além da repressom de todas as iniciativas populares que questionem a Regiom do Pays de la Loire.

Após diferentes mobilizaçons de apoio, o passado 12 de fevereiro tivo lugar o juizo no tribunal de Nantes onde mais de 300 pessoas se concentrarom em solidariedade com @s processad@s. Finalmete toda aponta a que a condena passa 2 meses de prisom, 100 horas trabalho comunitário e 34.400 euros de multa.

A seguir reproduzimos o comunicado em solidariedade emitido por BRIGA:

@s jovens organizad@s em BRIGA, organizaçom juvenil da esquerda independentista galega, enviamos-vos o nosso firme apoio e sinceira solidariedade aos 6 jovens alvo das desproporcionadas sançons pola legitima defesa da Reunificaçom Territorial da Bretanha.

Como a vós o Estado Francês, a nós o Estado Espanhol nega-nos como Naçom, mantem a histórica reivindicaçom territorial galega dividida em várias administraçons e ataca a nossa língua, cultura e recursos, reprimindo sempre qualquer berro de rebeliom.

Identificamo-nos, pois, com a vossa luita nacional contra o centralista Estado francês e sobre todo com a reivindicaçom do direito a decidir, o direito a autodeterminaçom.

Como revolucionári@s rejeitamos e condenamos o papel, sempre abusivo, das forças policiais dos estados burgueses e a repressom que exercem sobre as naçons sem estado como corpos de ocupaçom.

Por isso, hoje sentimos a repressom que sofredes como própria e como internacionalistas conseqüentes nom podemos estar noutro lugar que nom seja ao vosso lado.

Sabede, que mentres vós luitades na Bretanha também BRIGA, na Galiza, luita por umha Europa dos Povos, ao serviço da classe trabalhadora e nom patriarcal.

Ponhemo-nos, assim, a vossa disposiçom se queredes dar-lhe difusom a vossa luita na Galiza.

Avante pois com a juventude revolucionária!
Avante a luita por umha Bretanha e Galiza livres!