BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Ministério de Defesa continua empenhado em impor faixa de segurança. BRILAT fora!

imagem

Especial Nom mais julgamentos a antimilitaristas

Março de 2009

O Grupo de Base de BRIGA em Ponte Vedra vém de publicar na sua folha agitativa Briga na Rua umha denúncia da expropriaçom ilegal de monte comunitário que está a levar a cabo o governo espanhol. A vizinhança tem convocado umha concentraçom para este Sábado diante da Subdelegaçom do Governo em Ponte Vedra às 12:30.

O Ministério de Defesa ao cárrego de Carmen Chacón (PSOE) continua a forçar o acréscimo de 300 metros da chamada “área de segurança” do quartel de Figueirido.

1. Esta obra afecta já a mais de 100 vivendas das paróquias de Figueirido, Salzedo, Vilaboa, Postemirom, Bértola e Sam Juliám; contaminando vias de água, arrassando monte comunal e fincas vizinhais, e ampliando a base na prática mais de 4 km face o Oeste. As obras incluem umha réplica de aldeia afegá para a prática de assaltos, combate nocturno e outras operaçons; rumadas a treinar assassinos de civís mais eficientes.

2. Esta ampliaçom realizou-se de costas à vizinhança e aos concelhos, impondo-a pola via dos factos. @s afectad@s inteirárom-se a través do BOE, sem notificaçom de nengum tipo a eles/as própri@s ou às Cámaras Municipais.

3. Nem a Junta (naquela altura governada por PSOE-BNG), nem os governos municipais denunciárom a antidemocrática imposiçom, nem apoiárom as demandas d@s vizinh@s, exceptuando declaraçons oportunistas como as do PP, sem apoios práticos.

4. O movimento vizinhal leva suportado constantes intimidaçons dos militares, que patrulham o monte armados durante a noite; da polícia, que realiza identificaçons e denúncias arbitrárias protegendo as obras ilegais; e da Subdelegaçom do Governo em maos de Delfín Fernández. Este elemento já tem processado por via administrativa a quase umha dúzia de pessoas, a maioria vizinh@s, com multas à roda dos 3500 euros, iniciando diligências judiciárias contra quatro mais, todas elas manifestantes que partiparam da mobilizaçom de 2 de Dezembro, respondida com brutalidade pola polícia antidistúrbios e a militar. Três delas som militantes da esquerda independentista em Ponte Vedra.

5. Existem inúmeros exemplos prévios da repressom contra o antimilitarismo na comarca. O mais próximo em 2006, quando três jovens fôrom levad@s aos tribunáis por participarem num acto de boicote de BRIGA contra um stand da BRILAT diante do IES Valle Inclán. Dous anos depois, um dos moços saia absolvido, enquanto Antia Marinho e Alexandre Rios eram condenad@s ao pago de 4.400 euros de multa por injúrias ao exército.

6. A pesares das multas, das intimidaçons e do processo judicial pendente artelhado nos despachos das instituiçons, o movimento vizinhal segue avante. Briga nom pode fazer menos que somar-se solidariamente aos vizinhos e vizinhas ao berro de:

Nom à faixa de segurança!
BRILAT fora da Galiza!