BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Boicotam em Ferrol mesa de propaganda integrista

imagem

Campanha Quem cho impede? Liberdade sexual, o nosso direito

Especial Comissom Nacional da Mulher

Abril de 2009

Segundo informam diversos meios de comunicaçom o passado Sábado dia 25 foi boicotada em Ferrol umha mesa de propaganda dum dos colectivo que participa na campanha do integrismo católico espanhol contra o direito ao aborto.

Os jornais, que só recolhem a versom dos membros da associaçom integrista, informam de que arredor das duas da tarde pessoas se achegarom ao posto no que se recolhiam assinaturas e pintou a pancarta, que em sintonia com a campanha da Conferência Episcopal, continha várias fotos de crianças com a legenda "Yo también quiero ser especie protegida". Nos jornais informam de que um dos membros d@s integristas requeriu assitência médica e já formalizaram umha denúncia ante a Polícia espanhola.

A Conferência Episcopal e o Partido Popular em aliança com diversos grupúsculos da extrema-direita, em permanente ofensiva contra os direitos das mulheres, lançarom-se a umha dura campanha de criminalizaçom do aborto. Envalentonados por umha preocupante relaxaçom do feminismo mais combativo, tenhem logrado normalizar a sua presença na rua, com mobilizaçons ou campanhas de recolhidas de assinaturas como a que parece resposta a sua presença em Ferrol.

Sem conhecer mais detalhes dos aparecidos nas ediçons locais de diversos meios, todo parece indicar que se trata de umha necessária contestaçom contra esta intensificaçom da actividade do integrismo católico. De BRIGA insistimos na necessidade de que o feminismo de classe e combativo recupere dumha vez por todas a iniciativa e a rua para denunciar qualquer manifestaçom do terrorismo patriarcal.

Ainda que nom temos conhecimento de que se producira qualquer detençom em Ferrol relacionada com estes factos, fazemos um chamamento para estar alerta ante qualquer tentativa de acosso e criminalizaçom por parte da Polícia espanhola.

Ver também o especial: Comissom Nacional da Mulher