BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Repartos de FAQ sobre sexualidade em Ponte Vedra

imagem

Campanha Quem cho impede? Liberdade sexual, o nosso direito

Junho de 2009

O Grupo de Base de BRIGA em Ponte Vedra começou já o reparto de FAQ sobre sexualidade e condons na zona do botelhom do Recinto Feiral lugar de reuniom de centos de jovens da comarca. A iniciativa enquadra-se na aposta da organizaçom para conseguir umha sexualidade livre desprovista da moralidade católica e saudável.

@s adolescentes som o sector com maior risco de contraer DST além de ser o grupo que maior hospitalizaçons está a sofrer. Sem embargo, a preocupaçom juvenil sobre as DTS é relativamente baixa. Sífile, clamidiase, gonorreia, herpes genital, condiloma, triconomiase, VPH... O contágio da última aumenta cada dia silenciosamente, cada ano morrem 50 mulheres galegas polo vírus do papiloma humano e 150 mulheres padecem cancro de colo de útero pola sua causa, ao nom se produzirem síntomas nas suas primeiras fases provoca que a pessoa infectada contagie a muitas outras antes de ser-lhe diagnosticada a DST.

Longe de acreditar na análise moralista e ver na promiscuidade sexual o factor de contágio Briga entende que o necessário é um abordamento sério em formaçom que assinale a responsabilidade da repressiva sexualidade machista, que informe dos riscos e facilite o acesso a condons femininos e masculinos levando o reparto as zonas de concentraçom de juventude.

A seguir disponibilizamos o conteúdo do FAQ distribuído:

Quem entendemos por sexualidade?
A sexualidade é um mecanismo biológico que fai acompanhar de prazer às práticas reprodutivas das especies animais superiores; nos degraus mais elevados da evolucçom essas práticas prazenteiras se podem desligar totalmente do acto reproductivo convertendo-se em ferramentas de relaçom social ou simples fonte de gozo, individual ou compartilhado. Da sexualidade em abstracto passamos pois às sexualides, ou ao modo em que as pessoas gozamos do prazer associado ao sexo de jeito concreto.

O quê é a Moral Sexual
A moral sexual podemos defiini-la como o conjunto de crenças e valores associados às prácticas sexuais, próprios dumha sociedade determinada, polo que obedecerá à ideologia concreta que domine o sistema social, nom será a mesma em todo o tempo, nem em todo lugar nem para todas as pessoas.

A moral sexual aceitada como “normal” na Galiza actual, vem da mao da Igreja Católica, caracteriza-se esta, por umha elevada repressom de toda a sexualidade nom cingida ao mero acompanhemento da actividade reproductiva; assim, o uso de anticonceptivos, a masturbaçom, a homossexualidade, bissexualidade ou o sexo fora da relaçom matrimonial som consideradas práticas pecaminosas dende esta instituçom, que dende os seus origens actua como legitimidora e perpetuadora do sistema machista e heterossexista dominante.

Existem diferencias na vivência das sexualidades entre mulheres e homens?
Sem entrarmos nos aspeitos biológicos, podemos assegurar que sim há grandes diferencias criadas por este sistema socio-económico que também precisa do controlo dos comportamentos sexuais para se perpetuar.

O sistema patriarco-burgês, baseado na exploraçom da mulher sob o homem e da classe trabalhadora sob a burguesia, inclue a exploraçom sexual das mulheres. O facto de ser o sexo um negocio encaminhado exclusivamente face o desfrute do homem, a combinaçom com a “nom-educaçom” da familia, escola e mass-media, que dende a primeira infancia inculca valores e roles de género machistas, e baseados na repressiva moral católica criam jovens com medos e auto-censurad@s, com especial releváncia no casso das mulheres. Alguns exemplos disto: a pornografia, onde domina o submetimento da mulher e a violência simbólica, o falocentrismo, o remate da relaçom sexual com o orgasmo do homem...

Ficar gravida é o pior que me pode passar...
É esta umha crença erronea muito extendida, mas o certo é que as Doenças Sexualmente Transmissíveis som muito mais comuns do que se pensa, há que empregar metodos de protecçom e de contracepçom correctamente, como o perservativo, que nos protegerám tanto das gravideces nom desejadas como de doenças como VIH-SIDA, hepatite, sífile, gonorreia, papiloma vírico, etc.

Pôr os “cornos” está mal...?
O conceito dos “cornos” e do adlutério deriva directamente da moral impostal pola igreja católica que estabelece como único modelo aceitado o casal heterossexual com umha única parelha durante toda a vida.

Cada pessoa deve ser livre de decidir que tipo de relaçom quer manter com outra ou, outras pessoas, sempre que todos os invidiudos implicados sejam conscientes do modelo de relaçom acordado, e assim o desejem em condiçons de plena igualdade e liverdade. Nenghumha prática sexual deverá ser censurada de terem lugar estas condiçons fundamentais.

Por que é fundamental para a esquerda independentista a preocupaçom pola emancipaçom e a liberdade sexual?
A sexualidade é parte central das necessidades básicas para o ser humano, o gozo da mesma dum jeito plenamente livre é umha condiçom indispensável para a felicidade das pessoas, que a fim de contas é o objectivo final do projecto emancipador revolucionário que perseguimos @s jovens que fazemos parte de Briga.