Rejeitamento popular às obras do porto desportivo de Cangas
Junho de 2009
Arredor de 1000 pessoas percorrerom as ruas de Cangas na manifestaçom do passado sábado convocada pola Cofradia de Marinheiros “San José” e Galiza Nom Se Vende, rede na que está integrado o Foro Social de Cangas.
@s vizinh@s desta vila marinheira levam anos acusando publicamente o pelotaço especulativo e o atentado ecológico que supom a construcçom do porto desportivo e a urbanizaçom de Massó.
Som muitas as irregularidades que denunciam e que envolvem este macroprojecto: tramitaçom fraudulenta e actuaçom corrupta da autoridade portuária, a utilizaçom da guardia civil com fins privados ilegais, a usurpaçom de terrenos públicos, a carência de licenças municipais, a burla da ordenaçom urbanística, privatizaçom do mar e do litoral, o perigo de mais de 500 postos de trabalho, a criminalizaçom dos sectores opostos às obras, entre outras.
Durante a mobilizaçom palavras de ordem assinalarom a responsabilidade das entidades e empresas Marina Atlántica, Puentes y Calzadas, Caixanova, Autoridade Portuaria de Vigo.
Mas nom só, as críticas fôrom dirigidas também a cumplicidade do governo municipal (BNG-PSOE) por nom ordenar e comunicar à Autoridade Portuária de Vigo que a concessom deste porto desportivo “é nula de pleno direito” exigindo a paralisaçom das obras à alcaldesa da Cámara Municipal, Clara Milhám (BNG), que chegara ao poder opóndo-se ao “Projecto Massó”. Lembranças também para Quintana que em 2005 prometera “um jeito distinto de entender o urbanismo” numha reuniom com as associaçons implicadas e que após quatro anos de governo nom se implicou nem o mais mínimo, todo isto nom é mais que um novo paradigma da traiçom do Bloco aos interesses do povo trabalhador galego à qual nos tenhem acostumad@s.
A realidade, mais umha vez demostra, que a costa galega segue sendo vítima dos especulativos interesses capitalistas protegidos, interessadamente, pola servil e subordinada classe política no governo.
Nom ao porto desportivo de Cangas!
STOP especulaçom!