Siareir@s Galeg@s anuncia celebraçom de jornadas e mobilizaçom

Julho de 2009

Todo aponta a que a vitória do Partido Popular nas passadas eleiçons autonómicas fechará a tímida via aberta polo governo de PSOE e BNG em matéria desportiva. Mas Siareir@s Galeg@s, que mantivo umha posiçom crítica e activa durante a gestom do bipartido, nom está disposta a que o movimento em defas das selecçons nacionais esmoreça.

Segundo informam no seu sítio web, Siareir@s Galeg@s vem de programar duas citas a colocar já na agenda dos comprometidos com os direitos nacionais da Galiza no terreno desportivo. A primeira das citas, será o 29 de Agosto em Vigo, onde decorrerá umha nova ediçom das jornadas nacionais em defesa das selecçons nacionais, que Siareir@s Galeg@s organiza cada ano.

A segunda das citas, será no mês de Dezembro e tem como objectivo contestar a humilhaçom perpetrada ao pretender organizar na Corunha um jogo da selecçom espanhola de futebol precisamente quando já será oficial que este ano nom poderemos desfrutar da nossa selecçom nacional.

De BRIGA, como sempre figemos, animamos-vos a colaborar e participar nas actividades em defesa das nossas selecçons programadas por Siareir@s Galeg@s. Agora é mais necessário do que nunca, alargar e extender a consigna...

Umha naçom, umha selecçom!