BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Plataforma antitouradas convoca fim de semana de luita em Ponte Vedra

imagem

Agosto de 2009

As corridas de touros chegam o seu final na cidade do Léres, e a Plataforma Antitouradas, entidade que agora finaliza o seu terceiro ano consecutivo de trabalho, quer “festejá-lo” por todo o alto. Para elo, convocou duas actividades coincidentes com os dous últimos dias de corridas.

Para o Sábado 8 há organizada umha marcha reivindicativa com música incluída que começará na Peregrina às 19 h. para percorrer as ruas da cidade; enquanto na praça de touros som massacrados vários animais para regocijo da direita fascista que já assistiu com representantes como Mariano Rajoy, Esperanza Aguirre, ombro com ombro com José Blanco.

O Domingo 9 terá lugar a festa antitouradas no local Fifty-Fifty do casco velho pontevedrês, no que contaremos com a música de Dj Rapu e Dj Óscar para amenizar a velada, que fechará esta jeira de trabalho até o ano que vém.

A Plataforma remata assim a sua actividade este ano, após umha intensa campanha de denúncia na que incluiu performance, boicotagem de painéis, pintadas, recolhida de assinaturas (amanhá serám entregues mais de 500) e outras muitas actividades. A Plataforma também assistiu à recente mobilizaçom antitouradas na cidade que reuniu mais de quatro centenas de assistentes, o que nom deixa de ser umha cristalizaçom do trabalho feito nestes anos passados. A primeira manifestaçom, convocada pola Plataforma em 2008, congregara a mais de 300 pessoas, o que nos fala do crescimento do activismo antitouradas.

Segundo informa o sítio da Plataforma, as razons de nom aderir à convocatória realizada este ano pola nova Coordenadora devem-se ao excludinte da mesma e à sua negativa a realizar críticas directas ao concelho (BNG-PSOE). Para ler o comunicado clica aqui.

De BRIGA saudamos esta última recta de actividade, e desejamos no futuro grande sucesso à luita antitouradas na cidade.

Novas anteriores,
- Ponte Vedra Antitouradas encara o seu terceira ano de actividade ..+