Já vam 5 anos construíndo futuro

Outubro de 2009

Já passárom cinco anos desde que um grupo de jovens decidimos unir as nossas forças e capacidades para encetar umha briga contra Espanha, o Capital e o Patriarcado.

BRIGA foi fundada em 16 de Outubro de 2004, quando culminou um processo público que se iniciou a finais do verao desse ano, e que estivo aberto à participaçom de qualquer/a jovem interessad@ em criar essa ferramenta organizativa que, considerávamos, faltava no panorama juvenil da esquerda independentista. Daquela, dúzias de jovens galeg@s decidírom em Ferrol auto-organizar-se, num Congresso Nacional Constituinte, que bateu todos os recordes de participaçom em eventos deste tipo.

@s participantes realizárom umha análise dos problemas imediatos da juventude galega, centrados nos alarmantes índices de desemprego, precariedade, emigraçom e sinistralidade laboral, na falta de políticas de informaçom sexual e de campanhas de difusom gratuita de anticonceptivos, na espanholizaçom dos espaços de lazer, no deterioramenmto e privatizaçom de um ensino impartilhado numha língua alheia, na inexistência de espaços de lazer alternativos ao botelhom e à marcha nocturna, na dependência económica da família por impossibilidade de emancipaçom, no autoritarismo, a repressom, etc; em definitivo, na carência de um futuro digno; englobando-os num contexto de opressom nacional e social de género, que só podiam ser superados com a emancipaçom da Galiza, da sua classe trabalhadora e das mulheres, mediante a estratégia revolucionária do Movimento de Libertaçom Nacional Galego.

Como resultado dessa análise a nova juventude organizada passou à acçom. A ilusom e o entusiasmo militante fôrom os elementos imprescindíveis na caracterizaçom do novo accionar desenvolto por jovens rebeldes durante estes cinco anos, o que animou a outr@s jovens e de diferentes pontos da nossa geografia a incorporar-se ao combate juvenil.

Em todo este tempo levamos à rua a necessidade do direito à rebeliom juvenil, dixemos que nom à Constituiçom europeia, reclamamos a saídas das forças de ocupaçom espanholas da nossa naçom sob a palavra de ordem “Que se vaiam!”, inçamos as ruas de 38 comarcas de mensagens que chamam à dissidência e à subversom com a realizaçom de 366 murais ao longo de todo um ano, reclamamos o nosso direito a umha sexualidade livre dos preconceitos e da moral que impom o sistema patriarcal, o direito a decidirmos sobre os nossos corpos, mais um longo etcétera doutro tipo de iniciativas encaminhadas a plantar-lhe cara a este sistema que nos explora impunemente.

Já nom somos @s mesm@s de há cinco anos. Somos mais. Continuaremos a medrar ainda que picolos, madeiros e demais cacharrons nos digam que a auto-organizaçom juvenil é umha “associaçom ilícita” como já nos advertírom em Junho de 2005 cumha operaçom mediático-policial sem precedentes para a juventude da esquerda independentista. A repressom encoraja à militáncia de BRIGA para enfrentar o trabalho com mais força e entusiasmo. Os juízos políticos d@s que fomos objecto por reclamar a liberdade de expressom na rua, ou as multas de milhares de euros que enfrentam companheir@s por promoverem protestos contra a unidade militar da BRILAT em Ponte-Vedra, aproveitaremo-los mais umha vez para dar a ver que estamos no caminho certo, de confrontaçom com o sistema.

O compromisso da militáncia de BRIGA é contagioso. É por isso que nov@s jovens continuarám a aderir a um projecto democrático e assemblear que nada tem de ilícito, a nom ser que o ilícito signifique a desobediência a Espanha e ao Capital, que é o que em realidade pretendemos.

Portanto, venham mais cinco anos de combate juvenil. Avante BRIGA!