BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Continua farsa judiciária na Corunha contra o activismo pola língua

imagem

Especial STOP repressom!!

Novembro de 2008

Recentemente tenhem-se publicado umha série de difamaçons e mentiras da que a nossa organizaçom é, novamente, alvo. A oportunidade do jornalismo mercenário (agora chama-se-lhe “linha editorial”) foi a recente declaraçom de cinco imputados pola contra-manifestaçom a prol do galego realizada em Corunha, em Fevereiro de 2008.

Este acto foi realizado em regime de autoconvocatória, e nele participárom numerosos sectores, organizaçons, associaçons e pessoas a título individual que viam no acto da Mesa por la Libertad Lingüística nom só umha provocaçom; mas umha tentativa de perpetuar a imposiçom do espanhol na Galiza sob um delirante discurso que inverte os papeis históricos das duas línguas, tentando vender umha suposta imposiçom do galego.

A concentraçom, que nom foi reivindicada nem convocada por nengum colectivo concreto, decorreu com normalidade até que a polícia nacional carregou como acostuma: Sem provocaçom nem escusa, espancando aos supostos “impositores” do galego e defendendo a concentraçom fascista.

Posteriormente iniciou-se um processo judiciário amparado na suposta violaçom do direito constitucional à concentraçom dos fascistas, no que a Guardia Civil e a sua obssessom por castigar toda reivindicaçom da identidade galega jogou um papel fulcral. Como se vê, as vítimas da imposiçom do galego tenhem os corpos policiais e a judicatura funcionando a pleno rendimento no seu benefício. Fai-se difícil crer que com semelhantes companheiros de cama sejam eles as vítimas.

Recentemente, o diário La Opinión dava por suposto que os últimos cinco imputados eram membros da nossa organizaçom, em base ao “exaustivo” informe da Guardia Civil. Nom é novidade a conivência dos médios com os corpos repressivos à hora de criminalizar e mentir, tentando agora insinuar que foi BRIGA a organizaçom causante da “violaçom de direitos” dos espanholistas.

Desde logo, de BRIGA impulsionaremos e daremos apoio a toda iniciativa que enfrente a destruiçom na nossa identidade como povo, que nos imponha pola via da coerçom a obriga de assumir umha realidade que nom é a nossa. Como jovens galegos, denunciamos os processos-farsa que como os auspiciados pola xenófoba Mesa por la Libertad Lingüística, só pretendem intimidar-nos a base de paus, multas e condenas. Nom passaremos por isso.

Ver também o especial: STOP repressom!!