Briga apresentou nova campanha solidária em Compostela

Campanha Em Espanha o compromisso é delito

Janeiro de 2010

A nossa organizaçom apresentou oficialmente a campanha solidária com Alexandre Rios “Em Espanha o compromisso é delito”, num acto ao que assistirom multidom de jovens e simpatizantes da organizaçom que arroupárom ao moço repressaliado enquanto a rolda de imprensa tinha lugar. Durante a mesma, informou-se das diferentes actividades que BRIGA vai desenvolver nos próximos meses a este respeito, e que se centrará em duas linhas principais:

Por umha banda, a recolhida de achegas económicas que poidam impedir a sua entrada em prisom, ou polo menos reduzi-la. A advogacia da Coordenadora do MLNG já tem solicitado umha conmutaçom da pena de prisom por umha multa, que como informaramos elevaria a quantia a mais de 8.000 euros.

Por outra banda, a recadaçom de apoios de todo tipo de organizaçons (partidos políticos, associaçons, entidades sociais, sindicatos, etc.) que advoguem pola liberdade do Alexandre. Além do mais, procuraremos adessons individuais de diferentes ámbitos da esquerda galega.

Para finalizar o acto, a jovem encarregada da leitura do comunicado lembrava que a solidariedade com o companheiro ultrapassa os diferentes credos políticos ou a mera coincidência ideológica, sendo de conseqüência para qualquer pessoa que se reclame de esquerdas o evitar que este jovem seja duramente castigado polo que deveria ser um direito: Defender o que se pensa coerentemente e em liberdade.

Concerto

Finalizando a rolda, informamos também de que estám prontos os últimos preparativos para o Concerto Nacional Solidário com Alexandre deste Sábado 16 em Ferrol, no que actuarám Eina (ex-Inadaptats) e Arenga. Como já temos informado, o concerto dará começo às 22h na Fundaçom Artábria (Travessa de Batalhons nº 7, rés-do-chao, Esteiro-Ferrol).

O COMPROMISSO NOM É DELITO!!!

SOLIDARIEDADE COM ALEXANDRE!!!

Número de conta solidária: 2080- 0143-31-0000057719