BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Novos murais pola língua em Narom

imagem

Fevereiro de 2010

Este fim-de-semana, dous novos murais de compromisso com a nossa língua decorárom as ruas da localidade de Narom, sob as palavras de ordem "A juventude galega defende o seu idioma" e "Na Galiza, só em galego".

Com esta actividade, BRIGA quer lembrar a necessidade imperiosa de que a juventude tome o relevo na luita contra o assimilacionismo espanhol. @s jovens jogamos um papel insustituível no combate contra as agressons que sofremos como povo sem direitos, porque somos quem garantirá a futura barricada que impida a desapariçom da Galiza como naçom.

Nestes novos murais, queremos também assinalar a boa parte dos principais culpáveis da paulatina desapariçom de galegofalantes entre a mocidade: Desde uns médios financiados polo empresariado e a banca, os dous grandes partidos institucionáis que aplicam idêntico roteiro espanholizador, e a plataforma de ultras antigalegos Galicia Bilingüe.

BRIGA, longe das atitudes pactistas, reformadoras do irreformável, conciliadoras com a extrema-direita e o espanholismo de PP e PSOE; defendemos um compromisso juvenil real com a língua, defendido na rua a ferro e fogo, e que nom se limite às fotos de rigor e declaraçons mediáticas.

NA GALIZA SÓ EM GALEGO!!

A LÍNGUA DEFENDE-SE NA RUA!!!