Justiça espanhola dá beneplácito ao encerramento do site web da AMI

Março de 2010

A Assambleia da Mocidade Independentista vem de informar que a esperpéntica denúncia feita contra a sua organizaçom polo colectivo da direita espanholista mais fanática na Galiza, “Galicia Bilingüe”, aludíndo que difussom do vídeo de desenhos animados “Vilingüismo” “incitava a violência”, desembocou finalmente na impossibilidade de aceder ao seu site web desde os computadores ubicados no Estado espanhol. Nesta ocasiom a arbitrariedade judicial veu da mau do juíz Ventura Pérez Marinho após a petiçom realizada há meses polo grupo de anti-terrorismo da chefatura de informaçom da Guardia Civil em Madrid.

De novo fica claro que a divisom de poderes no Estado espanhol nom existe e mais quando se trata de defender aos sectores mais ultras e reaccionários. De BRIGA manifestamos o nosso rejeitamento ante este tipo de actuaçons que unicamente servem para evidenciar a censura e a perseguiçom política da que é alvo o independentismo de jeito sistemático, com o beneplácito e a cumplicidade de umha judicatura tam vendida e fascista como a espanhola.