10 de Abril: Ofensiva patriarcal e formas de auto-organizaçom feminista

Especial Comissom Nacional da Mulher

Abril de 2010

A actual situaçom económica mundial rebela umha grave ameaça para os direitos das mulheres, para a sua legitimaçom o sistema patriarco-burguês fai mao de umha nova e violenta ofensiva dos valores patriarcais. Com o intuito de analisar e reflexionar sobre as causas que determinam o seu auge a Comissom da Mulher de BRIGA organiza no vindouro sábado, 10 de Abril, umhas Jornadas Feministas intituladas “Ofensiva patriarcal e formas de auto-organizaçom feminista” na Galeria Sargadelos de Compostela.

A primeira sessom que dará começo às 12h reparará nos efeitos da ofensiva patriarcal em quatro esferas diferentes:

- Mundo laboral _ Maria Rodinho, presidenta do Comité de Empresa de Seaga e filiada da CIG, abordará todos os pontos pretos do actual “mercado laboral” que o capitalismo depara as mulheres galegas.

- Meios de comunicaçom _ Comba Campoy, jornalista e activista do movimento feminista, analisará o papel fundamental das empresas da comunicaçom na difusom e apontalamento do sistema patriarcal.

- Sexualidade _ Mai Cambeiro, integrante de BOGA, Mulheres lésbicas e bissexuais da Galiza e activista feminista, achegara-nos a precária situaçom dos direitos sexuais das mulheres.

- Juventude _ Noela Campanha, militante de BRIGA, será a encarregada de oferecer a leitura sob perspectiva juvenil que a nossa organizaçom fai desta ofensiva.

Na segunda sessom que começará às 17h debatira-se e reflexionara-se sobre as diversas formas de auto-organizaçom feminista com as que as mulheres podemos, temos e devemos armar-nos para afrontar todas as agressons das que somos alvo. Nesta mesa redonda estaram representadas algumhas das estruturas galegas com mulheres organizadas e luitando contra o patriarcado:

- Paula Rios _ Mulheres Nacionalistas Galegas.

- Ilduara Medranho _ Assembleia de Mulheres do Condado.

- Magolla Sande _ Foro Feminista da Galiza.

... e para rematar a jornada: Festa n`As Duas desde às 23h!!

Vemo-nos e avante a luita feminista!!