BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Juventude organizada celebra o 1º de Maio em diferentes comarcas galegas

imagem

Campanha Tempo de crise, tempo de luita

Abril de 2010

Arquivo gráfico

Ao longo das últimas duas semanas, BRIGA desenvolveu umha intensa e variada actividade agitativa e propagandística inserida na campanha polo 1º de Maio de 2010, Dia do Internacionalismo Proletário. A Corunha, Trasancos, Compostela, Ponte Vedra e Vigo fôrom os principais telons de fundo da nossa celebraçom particular desta data.

Sob a palavra de ordem “Nem reforma laboral nem desemprego juvenil. Canha à patronal!!”, as principais cidades do país e diversas vilas fôrom cenários de centos de cartazes e colantes colados, multidom de pintagens contra as agressons do patronato e pola auto-organizaçom obreira, murais comemorativos, faixas penduradas nas principais vias de acesso às cidades, boicotagens às oficinas do INEM, às lojas do vozeiro da burguesia Adolfo Dominguez e diversas entidades bancárias. Além do mais, a sede do PSdG-PSOE em Compostela foi objecto dum boicote anónimo, entendemos que como resposta à política neoliberal que o gabinete ZP está a ensaiar, centrada no resgate financeiro de especuladores com fundos públicos (Plano E), e especialmente polas anunciadas concessons à patronal recolhidas na nova reforma laboral.

De BRIGA queremos saudar este 1º de Maio como o dia forte da luita de classes que é, umha data para redobrar os esforços em combater aos culpáveis e gestores da crise provocada polo Capital.

Aguardamos a vossa assistência às manifestaçons convocadas pola CIG nos seguintes pontos:

Vigo, às 12:00 h. do Cruze da Dobrada

A Corunha, às 12:00 h. da Praça de Vigo

Compostela, às 12:30 h. da Praça Vermelha

Ponte Vedra, às 12:30 h. da Praça da Ferraria

Ferrol, às 12:00 h. da Av. de Esteiro

Lugo, às 12:30 h. da Ronda da Muralha

Ourense, às 12:00 h. do Pavilhom dos Remédios

Ribadeu, às 12:30 h. do Edifício Sindical

As Rias, às 12:30 h. da Praça do Peixe (do local sindical)

Ver também a campanha: Tempo de crise, tempo de luita