Outra jovem chamada a declarar acusada de participar em manifestaçom pró-galego

Especial STOP repressom!!

Maio de 2010

A criminalizaçom da juventude continua. Há uns dias informavamos no nosso site da posta em andamento dum novo processo desde os julgados da cidade herculina, com o intuito de castigar os sectores que respostárom ao espanholismo em Corunha vai já lá para dous anos.

A moça já fora citada anteriormente, mas a juiza encarregada destas diligências na cidade de Ponte Vedra devoltou o exorto judiciário ao julgado de origem, por achar que nom se lhe imputava nengum delito. O único que justificava a tomada de declaraçom era a possível militáncia na nossa organizaçom, e como dixo a juiza pontevedresa na altura “polo de agora isso nom está penado”.

A magistrada corunhesa encarregada do caso nom pensa assim, e prefere aplicar fórmulas clássicas da magistratura franquista, ao igual que a Brigada de Informaçom da Guardia Civil, impulsionadora de todo este circo judiciário. É de resaltar a insistência com a que @s companheir@s comparecentes estám a ser inquirid@s sobre a sua militáncia juvenil, e em especial sobre se formam parte da Mesa Nacional de BRIGA.

A motivaçom política por tras destas declaraçons é dupla: Tentam amedonhar aos sectores nacionáis que combatem a ofensiva espanhola que está a dirigir o PPdG, mas à vez também procuram ligar a nossa organizaçom com actividades ilegáis, obssessionados com poder repetir aventuras doutras latitudes do estado no nosso país, e contra a juventude galega.