Concentraçons de urgência na Galiza em protesto polo ataque pirata nazisionista contra ajuda humanitára à Gaza
Junho de 2010
O brutal ataque israelita aos barcos da “Frota da Liberdade” que transportavam ajuda humanitária em águas internacionais causou a passada segunda-feira 19 mortos e 60 feridos na Faixa de Gaza. No momento de escrever a notícia desconhece-se ainda onde se atopam retid@s grande parte d@s passageir@s.
A versom dos genocidas catalogando este crime de guerra de "reacçom em defesa própria contra as agressons dos civís que viajavam nos barcos aos soldados" cae polo seu próprio peso. Israel carez por completo do direito a controlar o mar de Gaza e, polo tanto, nom pode nem interferir, nem deter os envios de ajuda humanitária que transitem por estas águas.
A única versom possível é a da violaçom do seu próprio direito internacional. Polo mesmo, a ordem nazisionista de que umha unidade de élite armada até os dentes levasse avante a abordagem, é a clara evidência da política de ocupaçom do território palestiniano que de jeito sistemático se leva fazendo nas últimas décadas.
A resposta internacional é um insulto ao povo palestiniano. A ONU nom condena a Israel. Como muito alguns paises estam chamando a consultas aos embaixadores israelitas quando a resposta tem de ser a inmediata expulsom, nom só por este acto de pirataria se nom pola sua política terrorista. A convulsom mediática pola morte destas/es activistas relembra-nos à acontecida fai um ano quando as bombas israelitas detroçavam miles de vidas, escolas, hospitais... Esta resposta da “comunidade internacional” nom deixa de ser umha confirmaçom a vozes do que em verdade custa umha vida palestiniana, nada.
Depois de 62 anos de ocupaçom e genocídio o escándalo absoluto segue sendo que matem a gente que nom é palestiniana. Como se nada os estados burgueses, entre eles o espanhol, continuarám a comerciar com armas com o artificial Estado de Israel mantendo os seus acordos e as suas protecçons, sem exigir sançons e sem perseguir aos criminais de guerra, porque o seu papel político é o de cúmplice.
Concentraçons
“Galiza por Palestina” convocou concentraçons em protesto contra as atrocidades do governo sionista no dia de hoje, 1 de Junho, às 20h30 em toda Galiza.
Corunha: No Obelisco.
Compostela: Praça do Toral.
Ferrol: Diante do edifício da Junta da Galiza.
Ponte Vedra: Praça da Peregrina.
Vigo: No MARCO.
No resto de vilas e cidades as concentraçons teram lugar diante das casas consistoriais.